মৰাণ, 3 ডিচেম্বৰ : বিপদে লগ এৰা নাই অইল ইণ্ডিয়াক । বাঘজানৰ পাছত ডিব্ৰুগড়ৰ নাহৰকটীয়াৰ জয়পুৰ অঞ্চলত অইল পাইপ ফাটি নিৰ্গৰিত হোৱা তেলৰ ফলত লাগিল জুই । বুধবাৰে আবেলি এক ভয়ানক অগ্নিকাণ্ডই ক্ৰাসৰ সৃষ্টি কৰিলে জয়পুৰ দিহিং নদীৰ ওচৰত থকা অইল ইণ্ডিয়াৰ পাইপ দলঙৰ কাষৰ জয়পুৰ গাঁৱৰ ধাননী পথাৰত ।
নাহৰকটীয়াত ভয়ানক অগ্নিকাণ্ড
স্থানীয় বাসিন্দা তথা প্ৰত্যক্ষদৰ্শীৰ ভাষ্য মতে, প্ৰায় ডেৰ মাহ আগতেই দলঙৰ কাষৰ পাম্পিং চেন্টাৰত অঘটন ঘটি পাইপ ফাটি তেল নিৰ্গত হৈ আঘোণৰ পকা ধানৰ পথাৰত বিয়পি পৰিছিল । এই বিষয়ত অইল ইণ্ডিয়াই কোনো ধৰণৰ ব্যৱস্থা গ্ৰহণ কৰা নাছিল । অইল ইণ্ডিয়া কৰ্তৃপক্ষৰ হেমাহিৰ বাবে বুধবাৰে হঠাৎ জুইয়ে আৱৰি ধৰি ভয়ংকৰ পৰিবেশৰ সৃষ্টি কৰে কেইবাশ বিঘা পকা ধাননি পথাৰ ।