ডিব্ৰুগড়ৰ উপায়ুক্তক বিদায় জনালে ছাত্ৰ সন্থাই

ডিব্ৰুগড়ৰ পৰা বিদায় মাগিলে উপায়ুক্ত পল্লৱ গোপাল ঝাই ৷ বিদায়ৰ পূৰ্বে উপায়ুক্তগৰাকীক সম্বৰ্ধনা জনালে জিলা আছুৰ কৰ্মকৰ্তাসকলে ৷

মৰাণ, 9 নৱেম্বৰ : ডিব্ৰুগড়ৰ জিলা উপায়ুক্ত পল্লৱ গোপাল ঝাক বিদায় জনালে সদৌ ডিব্ৰুগড় জিলা ছাত্ৰ সন্থাৰ কৰ্মকৰ্তাসকলে ৷ সোমবাৰে অনুষ্ঠিত এই কাৰ্যসূচীত উপস্থিত থাকে আছুৰ কৰ্মকৰ্তাসকল ৷ উপায়ুক্তৰ কাৰ্যালয়ত উপস্থিত আছু কৰ্মীসকলে উপায়ুক্তগৰাকীক ফুলাম গামোচা, শৰাই আৰু সম্বৰ্ধনা পত্ৰ প্ৰদান কৰি বিদায় জনায় ৷

উল্লেখ্য যে, ডিব্ৰুগড় জিলাৰ বাবে বহু গুৰুত্বপূৰ্ণ কাম কৰি ডিব্ৰুগড়বাসীৰ মৰম বুটলিবলৈ সক্ষম হোৱা পল্লৱ গোপাল ঝাক কামৰূপ(ম) ৰ উপায়ুক্ত হিচাপে বদলি কৰিছে ৰাজ্য চৰকাৰে । উপায়ুক্তগৰাকীয়ে খুব কম দিনৰ ভিতৰতে জনপ্ৰিয় হৈ উঠিছিল । ৰাইজৰ সকলো সমস্যাৰ প্ৰতি গুৰুত্ব সহকাৰে চকু দিয়া পল্লৱ গোপাল ঝাই সকলো শ্ৰেণীৰ মানুহৰ বাবে কাম কৰি অহা বুলি সংবাদ মাধ্যমতো প্ৰকাশ পাইছিল ৷

লগতে পঢ়ক :নাগালেণ্ডত উদ্ধাৰ সন্দেহজনক নগা দুৰ্বৃত্তই লুটি নিয়া অসমৰ ম’হ