সাপেখাতীত জাল নোটসহ এজন লোকক আটক

সাপেখাতী শালকাঠনী চাহ বাগিচাৰ ন নম্বৰ লাইনৰ গণেশ তাঁতী নামৰ এজন ব্যক্তিৰ ঘৰত শুকুৰবাৰে আৰক্ষীয়ে তালাচী চলাই ৫০০ টকীয়া জালনোটৰ এটা বাণ্ডিল জব্দ কৰিবলৈ সক্ষম হয় ৷

মৰাণ,24 এপ্ৰিল: চৰাইদেউৰ সাপেখাতীত আৰক্ষীৰ বৃহৎ সাফল্য । জালনোট সহ এজনক আটক আৰক্ষীৰ ৷ জানিব পৰা মতে, আটক কৰা ব্যক্তিজন সাপেখাতী শালকাঠনী চাহ বাগিচাৰ ন নম্বৰ লাইনৰ গণেশ তাঁতী ৷ ঘটনাৰ বিৱৰণী অনুসৰি, সাপেখাতী অঞ্চলৰ এজন ব্যৱসায়ীৰ পৰা এখন চাইকেল ক্ৰয় কৰাৰ বাবদ গণেশ তাঁতী নামৰ ব্যক্তিজনে ৫০০ টকীয়া ৬ হাজাৰ টকা ব্যৱসায়ীজনক কৌশলেৰে আদায় কৰে ৷ পৰৱৰ্তী সময়ত সেই নোটখিনি জাল নোট বুলি জানিব পাৰি ব্যৱসায়ীজনে সাপেখাতী আৰক্ষীক অৱগত কৰে ৷

সাপেখাতীত জাল নোটসহ এজন লোকক আটক

সাপেখাতী আৰক্ষীয়ে এই অভিযোগৰ ভিত্তিতে শালকাঠনীৰ গণেশ তাঁতীৰ ঘৰত তালাচী চলাই ১১ হাজাৰ নকল নোটসহ দুটাকৈ ম’বাইল জব্দ কৰিবলৈ সক্ষম হয় ৷ সম্প্ৰতি আটকাধীন ব্যক্তিজন সাপেখাতী আৰক্ষীৰ জিম্মাত আছে ৷ আৰক্ষীয়ে জনোৱা মতে, এই পৰ্যন্ত ব্যক্তিজনৰ কবলৰ পৰা সৰ্বমুঠ ১৭ হাজাৰ মূল্যৰ ৫০০ টকীয়া জালনোট জব্দ কৰিবলৈ সক্ষম হৈছে আৰক্ষী ৷

লগতে পঢ়ক : ডিব্ৰুগড়ত পুনৰ এজনৰ কৰ'ণাত মৃত্যু