ডিব্ৰুগড় বিশ্ববিদ্যালয়ত ক'ভিড : বাতিল PGSU ৰ নিৰ্বাচন

ডিব্ৰুগড় বিশ্ববিদ্যালয়ত ক'ভিডৰ ভয়াৱহতা (COVID in Dibrugarh university campus) ৷ মাইক্ৰ' কন্টেইনমেন্ট জ'ন কৰা হ’ল কেইবাখনো ছাত্ৰী নিৱাস ৷ বাতিল কৰা হ’ল স্নাতকোত্তৰ মহলাৰ ছাত্র একতা সভাৰ নিৰ্বাচন ৷

মৰাণ, 9 জানুৱাৰী :ডিব্ৰুগড় বিশ্ববিদ্যালয়ত কৰ'ণাৰ আতংক(COVID in Dibrugarh university campus) । দেওবাৰৰ দিনটোলৈকে বিশ্ববিদ্যালয়ৰ ১৪ গৰাকীৰ ছাত্ৰ- ছাত্ৰীৰ দেহত ক'ভিডৰ অৱস্থিতি ধৰা পৰিছে । ইতিমধ্যে, বিশ্ববিদ্যালয়ৰ বহু কেইটা হোষ্টেল মাইক্ৰ' কন্টেইনমেন্ট জ'ন হিচাপে ঘোষণা কৰিছে বিশ্ববিদ্যালয় কৰ্তৃপক্ষই (Dibrugarh university hostels declared micro containment zone) ।

এই হোষ্টেল কেইটা ক্ৰমে, আইদেউ সন্দিকৈ ছাত্ৰী নিৱাস, নলিনীবালা দেৱী ছাত্ৰী নিৱাস, নিউ গাৰ্লছ হোষ্টেল , জয়মতী ছাত্ৰী নিৱাস, পুষ্পলতা দাস ছাত্ৰী নিৱাস, পদ্ম কুমাৰী গোঁহাই ছাত্ৰী নিৱাস আৰু স্বৰ্ণলতা দাস ছাত্ৰী নিৱাস বুলি জানিব পৰা গৈছে ৷ ইফালে, অহা 10 জানুৱাৰী অৰ্থাৎ সোমবাৰে অনুষ্ঠিত হ’ব লগীয়া বিশ্ববিদ্যালয়খনৰ স্নাতকোত্তৰ মহলাৰ ছাত্ৰ একতা সভাৰ নিৰ্বাচন প্ৰক্ৰিয়া শেহতীয়া ক’ভিড পৰিস্থিতিৰ বাবে বাতিল কৰা হৈছে (DU PGSU election postponed for COVID) ৷

ডিব্ৰুগড় বিশ্ববিদ্যালয়ত ক'ভিড : বাতিল PGSU ৰ নিৰ্বাচন

উল্লেখযোগ্য যে, দেওবাৰৰ দিনটোলৈকে ডিব্ৰুগড় বিশ্ববিদ্যালয়ত দিনে নিশাই অব্যাহত আছিল স্নাতকোত্তৰ মহলা ছাত্ৰ একতা সভা নিৰ্বাচনৰ প্ৰচাৰ অভিযান (DU PGSU election 2022) ।

হঠাৎ, এতিয়া এইদৰে বিশ্ববিদ্যালয় চৌহদত ক’ভিডে ভয়াৱহ ৰূপ ধাৰণ কৰাত নিৰ্বাচনকলৈ ছাত্ৰ সমাজৰ মাজত থকা উচাহ ম্লান পৰা দেখা গৈছে ৷ ইয়াৰোপৰি, হঠাতে ছাত্ৰী নিৱাস সমূহ এইদৰে বন্ধ হৈ যোৱাত ঘৰলৈ যোৱাৰ বাবে ছাত্ৰী সকলৰ মাজত যথেষ্ট অসুবিধাৰ সৃষ্টি হোৱাও পৰিলক্ষিত হৈছে ৷ আনহাতে, কেৱল ছাত্ৰী নিৱাস সমূহ হে এইদৰে মাইক্ৰ' কন্টেইনমেন্ট জ'ন হিচাপে ঘোষণা কৰাক লৈয়ো একাংশই সামাজিক মাধ্যমত এতিয়া তীব্ৰ প্ৰতিক্ৰিয়া প্ৰকাশ কৰা দেখিবলৈ পোৱা গৈছে ৷

লগতে পঢ়ক :কৰ'ণাৰ বিৰুদ্ধে যুঁজ দিয়াৰ কৌশল আগবঢ়ালে কেন্দ্ৰীয় মন্ত্রী সৰ্বানন্দ সোণোৱালে