কৰ’ণাত আক্ৰান্ত মৰাণৰ জ্যেষ্ঠ সাংবাদিক যদু চুতীয়া

কৰ’ণাত আক্ৰান্ত মৰাণৰ জোষ্ঠ সাংবাদিক যদু চুতীয়া ৷ আক্ৰান্ত হোৱাৰ পিছতেই যদু চুতীয়াক সোমবাৰে ডিব্ৰুগড়ৰ অসম চিকিৎসা মহাবিদ্যালয়ৰ চিকিৎসালয়ত ভৰ্তি কৰোৱা হয় ৷

মৰাণ,22মাৰ্চ: মৰাণত বৃদ্ধি পাইছে কৰ’ণা আক্ৰান্তৰ সংখ্যা ৷ শনিবাৰে এক শ্ৰমিক দম্পতীৰ দেহত ক'ভিড-১৯ ধৰা পৰাৰ পিছত দেওবাৰে মৰাণৰ এগৰাকী জ্যেষ্ঠ সাংবাদিক ক'ভিড-19ত আক্ৰান্ত হৈছে ৷ অসমীয়া প্ৰতিদিন কাকতৰ মৰাণৰ সংবাদদাতা, লেখক তথা শিক্ষক যদু চুতীয়া ক'ভিড-19ত আক্ৰান্ত হৈ সোমবাৰে ডিব্ৰুগড়ৰ অসম চিকিৎসা মহাবিদ্যালয়ৰ চিকিৎসালয়ত ভৰ্তি হ’বলগীয়া হৈছে ৷

কৰ’নাত আক্ৰান্ত মৰাণৰ জ্যেষ্ঠ সাংবাদিক

দীৰ্ঘদিন ধৰি মধুমেহ ৰোগত আক্ৰান্ত সাংবাদিক গৰাকীৰ ইতিমধ্যে দুয়োটা বৃক্কই বিকল হৈ পৰাৰ বাবে সম্প্ৰতি ডিমৌস্থিত স্বৰ্গদেউ চ্যুকাফা মাল্টিস্পেচিলিটি হাস্পিতালত নিয়মীয়াকৈ ডায়লেচিছ কৰি আছে ৷ দুদিনমানৰ পৰা চুতীয়াই জ্বৰ অনুভৱ কৰাৰ বাবে পৰীক্ষা কৰোৱাত তেওঁৰ দেহত ক'ভিড-১৯ৰ উপস্থিতি ধৰা পৰে ৷ ততাতৈয়াকৈ তেওঁক চিকিৎসকে ডিব্ৰুগড়লৈ প্ৰেৰণ কৰে ৷

কৰ’নাত আক্ৰান্ত মৰাণৰ জ্যেষ্ঠ সাংবাদিক

এই মুহূৰ্তলৈকে সাংবাদিকগৰাকীৰ পত্নী-কন্যাকে ধৰি পৰিয়ালটোৰ আন কোনো সদস্য আক্ৰান্ত হোৱা নাই বুলি জানিব পৰা গৈছে ৷ মৰাণহাট প্ৰেছ ক্লাব, মৰাণ মহকুমা সাংবাদিক মঞ্চই সতীৰ্থগৰাকীৰ আশু আৰোগ্য কামনা কৰিছে ৷

লগতে পঢ়ক:কি কাৰণে খঙত অগ্নিশৰ্মা সিদ্ধাৰ্থ ভট্টাচাৰ্য