মৰাণ, 22 মে' : সংবাদ জগত, সমাজ সেৱা, ৰাজনীতিৰ জৰিয়তে আজীৱন সমগ্ৰ অসমত নিজৰ চিন্তা শক্তিৰ পৰিচয় দি যোৱা ব্যক্তি আছিল জন নেতা সাংবাদিক কেদাৰনাথ গোস্বামী । ১৯৬৪ চনৰ ২২ মে' তাৰিখে মৃত্যু হোৱা বিশিষ্ট সাংবাদিক জনৰ শনিবাৰে ৫৭ সংখ্যক মৃত্যু তিথি । ক’ভিডৰ ভয়াৱহতাৰ বাবে মৰাণ প্ৰেছ ক্লাৱে অনুষ্টুপীয়াকৈ সাংবাদিক কেদাৰনাথ গোস্বামীৰ ৫৭ সংখ্যক মৃত্যু তিথি পালন কৰে ।
বিশিষ্ট সাংবাদিক কেদাৰনাথ গোস্বামী দেৱৰ ৫৭ সংখ্যক মৃত্যু তিথি
মৰাণৰ জ্যোতিপুৰত থকা সাংবাদিক জনৰ প্ৰতিমূৰ্তিত বন্তি প্ৰজ্বলন, মাল্যাৰ্পণ কৰি মৰাণ প্ৰেছ ক্লাৱে সাংবাদিক জনৰ কৰ্ম জীৱনক স্মৰণ কৰে । মৰাণ প্ৰেছ ক্লাৱৰ সম্পাদক জ্যেষ্ঠ সাংবাদিক কৰুনা ফুকনে আঁতধৰে ৫৭ সংখ্যক মৃত্যু তিথি অনুষ্ঠানটোৰ ৷