ডিব্ৰুগড়, 5 মে': সমগ্ৰ ৰাজ্যৰ লগতে ডিব্ৰুগড় জিলাতো ভয়ংকৰ হৈছে ক'ভিড পৰিস্থিতি ৷ ইফালে প্ৰত্যেক দিনে কৰ'ণা ভাইৰাছত আক্ৰান্ত হোৱা লোকৰ সংখ্যা বৃদ্ধি পোৱাত অসম চিকিৎসা মহাবিদ্যালয়ত ক'ভিডৰ ভয়াবহ পৰিস্থিতি সৃষ্টি হৈছে । বিগত 24 ঘন্টাত চিকিৎসালয় খনত কৰণাত আক্ৰান্ত হৈ 4 গৰাকী লোকৰ মৃত্যু হৈছে । মঙলবাৰে অসম চিকিৎসা মহাবিদ্যালয় কৰ্তৃপক্ষই সদৰি কৰিছে এই তথ্য ৷
অসম চিকিৎসা মহাবিদ্যালয়ত ক'ভিডৰ ভয়াবহ পৰিস্থিতি !
ইফালে মঙলবাৰে দিনটোতে চিকিৎসালয় খনত আইচ’লেশ্বন ৱাৰ্ডত ৯১ গৰাকী ৰোগী চিকিৎসাধীন হৈ আছে । ইয়াৰে ৯১ জন ৰোগীৰ ভিতৰত ৩৭ জন ৰোগীয়ে অক্সিজেন লৈ আছে । ৬৫ জন ৰোগী আই চি ইউত ভৰ্তি হৈ সংকটজনক অৱস্থাত চিকিৎসাধীন হৈ আছে।