ডিব্ৰুগড়, 24 আগষ্ট :এআইইউডিএফৰ মিত্ৰতাই উজনিত কংগ্ৰেছৰ ভেটি আৰু দুৰ্বল কৰিব বুলি ব্যাপক চৰ্চা চলি থকাৰ সময়তে মুখ্যমন্ত্ৰীৰ গৃহ জিলাৰ এটা সমষ্টিতে একেলগে 200ৰো অধিক যুৱকৰ কংগ্ৰেছত যোগদান । মুখ্যমন্ত্ৰী সৰ্বানন্দ সোণোৱালৰ অতি ঘনিষ্ঠ যুৱ বিধায়ক ঋতুপৰ্ণ বৰুৱাৰ সমষ্টি লাহোৱালত আজি কংগ্ৰেছৰ ভেটি শক্তিশালী কৰি একেলগে 200ৰো অধিক যুৱকে যোগদান কৰিলে দলটোত । কংগ্ৰেছৰ যুৱ তথা বৰ্তমান সময়ৰ সক্ৰিয় নেতা,অসম প্ৰদেশ কংগ্ৰেছৰ অবিচি চেয়াৰমেন মনোজ ধানোৱাৰৰ উপস্থিতিত এই বৃহৎ সংখ্যক যুৱকে দলটোত যোগদান কৰে ।
ডিব্ৰুগড়ত দুশ যুৱকৰ কংগ্ৰেছত যোগদান