ধুবুৰী,4 মে’: অসমৰ লগতে পশ্চিমবংগতো 2 মে'ত ঘোষণা কৰা হয় নিৰ্বাচনী ফলাফল ৷ পশ্চিমবংগৰ কোচবিহাৰ জিলাৰ নটাকৈ বিধানসভা সমষ্টিৰ সাতটা সমষ্টিতেই বিজেপিয়ে জয় লাভ কৰে ৷ অসমৰ গাতে লাগি থকা তুফানগঞ্জ সমষ্টিত জয়লাভ কৰে বিজেপিৰ প্ৰাৰ্থী মালতী ৰাভাই ।
নিৰ্বাচনী হিংসাঃ অসমত আশ্ৰয় ললে পশ্চিমবংগৰ নাগৰিকে
দুই মে'ত ফলাফল ঘোষণাৰ পিছতেই আক্ৰমণাত্মক হৈ পৰে কোচবিহাৰ জিলাৰ তৃণমূল কংগ্ৰেছৰ কৰ্মীসকল । তৃণমূল কংগ্ৰেছৰ কৰ্মীসকলে দিন-দুপৰতে বিজেপি সমৰ্থকক মাৰপিট কৰাৰ লগতে ঘৰ-দুৱাৰ ভাঙি লণ্ড-ভণ্ড কৰাৰ অভিযোগ উত্থাপিত হৈছে ৷ ইয়াৰ লগতে শিশু-মহিলাকো মাৰপিট কৰে কংগ্ৰেছ কৰ্মীসকলে । উপায়বিহীন হৈ ঝাউকুঠী, গোপালেৰকুঠী অঞ্চলৰপৰা বহুলোক অসমত থকা আত্মীয়ৰ ঘৰত আশ্ৰয় ল’ব লগা হয় ৷