চাপৰত সাংস্কৃতিক অনুষ্ঠানৰ মাজতে মঞ্চৰ কাষত লাগিল জুই

চাপৰৰ চৈৱাৰী চাহ বাগিচাৰ নিজপট্টি লাইনৰ খেলপথাৰত দেওবাৰে নিশা বিহুৰ সাংস্কৃতিক অনুষ্ঠান চলি থকাৰ মাজতে হঠাৎ বিহু মঞ্চৰ কাষতে থকা চাহৰ দোকানত জুই লাগে ৷ বহু প্ৰচেষ্টাৰ অন্তত অৱশেষত অগ্নি নিৰ্বাপক বাহিনীৰ সহযোগত ৰাইজে জুই নুমালে ৷

পূৱ বিলাসীপাৰা, 19 এপ্ৰিল : ঢোল-পেঁপাৰ মাতেৰে ৰঙালীক উদযাপন কৰিলে অসমবাসীয়ে ৷ সমগ্ৰ ৰাজ্যৰ লগতে পূৱ বিলাসীপাৰাতো ৰাইজে উদযাপন কৰিলে বিহু ৷ কিন্তু এই উলহ-মালহ পৰিবেশৰ মাজতে পূৱ বিলাসীপাৰাৰ চাপৰৰ চৈৱাৰী চাহ বাগিচাত অঘটন ৷ দেওবাৰে নিশা বিহুৰ সাংস্কৃতিক অনুষ্ঠান চলি থকাৰ মাজতে চৈৱাৰী চাহ বাগিচাৰ নিজপট্টি লাইনৰ খেলপথাৰত বিহু মঞ্চৰ কাষতে থকা চাহৰ দোকানত জুই লাগে ৷

জানিব পৰা মতে দোকানীৰ অসাৱধনাতাৰ বাবে গেছৰ চিলিণ্ডাৰত জুই লাগে ৷ মঞ্চৰ কাষতে হঠাৎ জুই লগা দেখাত ৰাইজৰ মাজত হুৱাদুৱা লাগে ৷ স্থানীয় ৰাইজে জানিব দিয়া মতে বহু প্ৰচেষ্টাৰ অন্তত অগ্নি নিৰ্বাপক বাহিনীৰ সহযোগত ৰাইজে জুই নুমুৱাবলৈ সক্ষম হয় ।

লগতে পঢ়ক :গুৱাহাটীত অনুষ্ঠিত কৰিব নোৱাৰিব বিহুৰ অনুষ্ঠান