ধুবুৰীত চোৰাং গৰুসহ চাৰিজনক গ্ৰেপ্তাৰ

ভাৰত বাংলাদেশ সীমান্তত দক্ষিণ শালমাৰা আৰক্ষীৰ ব্যাপক অভিযান। ৪ জন চোৰাং বেপাৰী সহ ১০ টা গৰু জব্দ। আনফালে বিএছএফৰ অভিযানত ৪ জন গৰুৰ চোৰাং বেপাৰী সহ ১৫ টা গৰু জব্দ

ধুবুৰী,14 জুলাইঃসোমবাৰে নিশা দক্ষিণ শালমাৰা আৰক্ষীয়ে ব্যাপক অভিযান চলাই ভাৰত বাংলাদেশ সীমান্তৰ পৰা ৪ জন গৰুৰ চোৰাং বেপাৰীক আটক কৰে আৰু লগতে ১০ টা চোৰাং গৰু জব্দ কৰিবলৈ সক্ষম হয়। চোৰাং গৰুৰ বেপাৰী কেইজন হল নুৰুল ইছলাম,নুৰ জামাল,খাইবুৰ হুছেইন আৰু নুৰ শ্বেখ।

গ্ৰেপ্তাৰ হোৱা চোৰাং গৰুৰ বেপাৰী কেইজন

ইফালে ভাৰত বাংলাদেশ সীমান্তৰ পৰা যোৱা নিশা ৬ নং বিএন বিএছএফে অভিযান চলাই ৪ জন চোৰাং বেপাৰীক আটক কৰে আৰু লগতে ১৫ টা চোৰাং গৰু জব্দ কৰিবলৈ সক্ষম হয়। চোৰাং গৰুৰ বেপাৰী কেইজন হল মুকতাৰ হুছেইন, আকতাৰ হুছেইন, মহিজুদিন বেপাৰী আৰু সফিকুল ইছলাম। বানপানী আৰু লক ডাউনৰ বাবে জিলাত চোৰাং বেপাৰীয়ে এনে কাৰ্য সংগঠিত কৰিবলৈ ব্যাপক তৎপৰ হৈ পৰিছে। এই সন্দ'ভত আৰক্ষী প্রশাসন আৰু বিএছএফে চোকা দৃষ্টি ৰাখিছে।

নদী পথেৰে কলৰ ভুৰৰ তলত লুকুৱাই সৰবৰাহ কৰে চোৰাং গৰু

উল্লেখযোগ্য যে,বানপানীৰ সুযোগ লৈ উন্মুক্ত নদী পথেৰে বাংলাদেশলৈ গৰুৰ চোৰাং চালান দি থকাৰো সন্দেহ কৰা হৈছে ৷ সোমবাৰৰ ঘটনাই পুনৰ প্ৰমাণ কৰিলে বাংলাদেশলৈ অসমৰ পৰা চলি থকা গৰুৰ চোৰাং বেহাৰ কথা ৷

আৰক্ষী আৰু বি এছ এফে জব্দ কৰা গৰু সমূহ

লগতে চাওকঃ কৰ’ণাত আক্ৰান্ত নগাঁও কেন্দ্ৰীয় কাৰাগাৰৰ চিকিৎসক