সমাগত স্বাধীনতা দিৱস : তুংগত প্ৰস্তুতি

73 তম স্বাধীনতা দিৱসলৈ মাজত আৰু মাত্ৰ তিনিটা দিন ৷ ধুবুৰীত পূৰ্ণগতিত চলিছে প্ৰস্তুতি ৷ সষ্টম আৰক্ষী-প্ৰশাসন ৷

ধুবুৰী, 11 আগষ্ট: স্বাধীনতা দিৱসলৈ মাজত মাথো কেইটামান দিন ৷ দেশ তথা ৰাজ্যৰ বিভিন্ন জিলাৰ লগতে ধুবুৰী জিলাটো চলিছে স্বাধীনতা উদযাপনৰ ব্যাপক প্ৰস্তুতি ৷ সমান্তৰাল ভাবে নিৰাপত্তাৰ দিশতো চোকা দৃষ্টি ৰাখিছে আৰক্ষী বাহিনীয়ে ৷ ধুবুৰীৰ ৰজা প্ৰভাত চন্দ্ৰ বৰুৱা খেল পথাৰত কেন্দ্ৰীয় ভাবে উদযাপন কৰা হব দেশৰ ৭৩ তম স্বাধীনতা দিৱস ৷ সেই উপলক্ষে যোৱা কিছুদিনৰ পৰা স্থানীয় ভোলানাথ মহাবিদ্যালয়, জৱাহৰ নবোদয় বিদ্যালয়, চৰকাৰী ল'ৰা উচ্চতৰ মাধ্যমিক বিদ্যালয়কে ধৰি বিভিন্ন স্কুল কলেজৰ ছাত্ৰ ছাত্ৰীবোৰে পেৰেড অনুশীলন আৰম্ভ কৰিছে ৷ প্ৰতিদিনে ৰাতিপুৱা আৰু আবেলিৰ ভাগত দুবাৰকৈ পেৰেড অনুশীলন কৰা থকা হৈছে ৷ আনহাতে স্বাধীনতা দিৱসৰ সময়ত যাতে কোনো কূটাঘাতমূলক ঘটনা সংঘটিত নহয় তাৰ প্ৰতি চোকা দৃষ্টি ৰাখিছে আৰক্ষী তথা জিলা প্ৰশাসনে ৷