ধুবুৰী, 24 এপ্ৰিল : সমগ্ৰ দেশৰ লগতে ৰাজ্যতো এতিয়া মহামাৰী কৰ'ণাই ভয়ংকৰ ৰূপ ধাৰণ কৰিছে । যাৰ ফলত বাতিল কৰা হৈছে ৰাজ্যৰ বিভিন্ন অনুষ্ঠান প্ৰতিষ্ঠানৰ কাৰ্যসূচী । তাৰ মাজতেই ধুবুৰীৰ ঐতিহাসিক গুৰু টেগ বাহাদুৰ গুৰুদ্বাৰত অনুষ্টুপীয়াকৈ পালন কৰা হৈছে শিখ ধৰ্মৰ নৱম গুৰু টেগ বাহাদুৰৰ চাৰিশ বছৰীয়া জন্ম জয়ন্তী ৷
উল্লেখ্য যে, বিগত দিনত ধুবুৰীত মহা ধুম-ধামেৰে পালন কৰা হৈছিল শিখ ধৰ্ম গুৰু টেগ বাহাদুৰৰ জন্ম শতবাৰ্ষিকী মহোৎসৱৰ । দেশ তথা ৰাজ্যৰ বিভিন্ন প্ৰান্তৰ উপৰিও বিভিন্ন দেশৰ পৰা শিখ ধৰ্মাৱলম্বীৰ অগণন ভক্তৰ সমাগম হৈছিল যদিও এইবেলি মহামাৰী কৰণাতংকৰ বাবে ম্লান পৰিল গুৰু টেগ বাহাদুৰৰ জন্ম শতবাৰ্ষিকীৰ অনুষ্ঠান ।
কৰ'ণাৰ আতংকৰ মাজতেই তিনিদিনীয়া কাৰ্যসূচীৰে এই জন্ম শতবাৰ্ষিকীৰ আয়োজন কৰিছিল যদিও জিলা প্ৰশাসনে অনুমতি প্ৰদান কৰা নাই । যাৰ ফলত অনুষ্টুপীয়াকৈ পালন কৰা হৈছে গুৰু টেগ বাহাদুৰৰ চাৰিশ সংখ্যক জন্ম শতবাৰ্ষিকী।
ধুবুৰীত শিখ ধৰ্ম গুৰু টেগ বাহাদুৰৰ ৪০০ বছৰীয়া জন্ম জয়ন্তী পালন কাৰ্যসূচী অনুসৰি কেইদিনমান পূৰ্বেই ধুবুৰীৰ গুৰুদ্বাৰৰ পৰা জাগৰাত্রী যাত্ৰা উলিওৱা হৈছিল । ইফালে শুকুৰবাৰে প্ৰকাশ উৎসৱ-অখণ্ড পাঠ কৰাৰ পিছতে শনিবাৰৰ পৰা শিখ সকলৰ কীৰ্তন পাঠ আৰম্ভ হয় । ৰাজ্যৰ বিভিন্ন প্ৰান্তৰ পৰা প্ৰায় ২০০ ভক্ত উপস্থিত হয় ঐতিহাসিক গুৰুদ্বাৰটোত । উল্লেখ্য যে, মহামাৰী কৰ'ণাৰ বাবেই এইবেলি বাতিল কৰা হয় শিখ সকলৰ নগৰ কীৰ্তন আৰু শিখ মেলা ।
লগতে পঢ়ক-ONGC তিনি বিষয়াৰ অপহৰণ সন্দৰ্ভত আলফা (স্বাধীন)ৰ প্ৰেছ বিবৃতি
