ভাৰতী এক্সাৰ সৈতে মিলি এয়াৰটেল পেমেন্ট বেংকে আগবঢ়াব বীমা আঁচনি

দুচকীয়া বাহনৰ বাবে মুকলি কৰিব এই আঁচনি ৷ এয়াৰটেল পেমেন্ট বেংকৰ একাউণ্ট নথকা গ্ৰাহকেও ল’ব পাৰিব এই আঁচনিৰ সুবিধা ৷ মুকলিৰ পিছতেই "মাই এয়াৰটেল এপ" আৰু "এয়াৰটেল পেমেন্ট বেংক"ত উপলব্ধ হ'ব উক্ত আঁচনি ৷

নিউজ ডেস্ক, 19 এপ্ৰিলঃএয়াৰটেল পেমেন্ট বেংকে শুকুৰবাৰে ঘোষণা কৰে যে ভাৰতী এক্সাৰ সাধাৰণ বীমাৰ সৈতে মিলি তেওঁলোকে এক বীমা আঁচনি মুকলি কৰিব ৷ এই বীমা আঁচনি প্ৰস্তুত কৰিব দুচকীয়া বাহনৰ বাবে ৷

এক বিবৃতি প্ৰকাশ কৰি এয়াৰটেল পেমেন্ট বেংকে প্ৰকাশ কৰে যে, উক্ত বীমা মুকলি কৰাৰ পিছতেই "মাই এয়াৰটেল এপ" আৰু "এয়াৰটেল পেমেন্ট বেংক"ত উপলব্ধ হ'ব ৷ উক্ত বীমাই ব্যক্তিগত দুৰ্ঘটনা সামৰি লোৱাৰ লগতে, তৃতীয় পক্ষৰ চুৰি আৰু খৰতকীয়া ব্যৱস্থাৰে নীৰিক্ষণ মুক্ত নবীকৰণৰ ব্যৱস্থাকো সামৰি ল'ব ৷

বিবৃতিটোত এইবুলিও উল্লেখ আছে যে,বিনাকৃত বাহনৰ ক্ষেত্ৰত গ্ৰাহকে অতিৰিক্ত ব্যয় নকৰাকৈ দুচকীয়া বাহনখন ক্ষতিগ্ৰস্ত হ’লে তাৰববে ৰক্ষা সেৱা লাভ কৰিব পাৰিব ৷