উৰণৰ বাবে সাজু জ’মেটৰ ফুড ডেলিভাৰী দ্ৰোণ

জ’মেটৰ প্ৰতিষ্ঠাপক দীপিন্দৰ গোয়েলে ফুড ডেলিভাৰী দ্ৰোণখনৰ সন্দৰ্ভত কয় যে খাদ্য প্ৰেৰণৰ সময় 30 মিনিটৰ 15 মিনিট কৰাৰ একমাত্ৰ সহজ আৰু সুৰক্ষিত উপায় হৈছে এই প্ৰযুক্তি ৷ এই দ্ৰোণখনে 5 কেজি লৈকে ওজন কঢ়িয়াব পাৰিব ৷ লগতে এই প্ৰযুক্তিৰ ফলত দ্ৰোণৰ দ্বাৰা খাদ্য প্ৰেৰণ এক সপোন হৈ নাথাকি দিঠকলৈ পৰিণত হ'ব বুলিও মন্তব্য কৰে প্ৰতিষ্ঠাপকগৰাকীয়ে ৷

নিউজ ডেস্ক, 12 জুনঃ ফুড ডেলিভাৰী এপ জ’মেটয়ে সফলতাৰে পৰীক্ষণ কৰিলে ফুড ডেলিভাৰী দ্ৰোণ ৷ ফুড ডেলিভাৰী দ্ৰোণখনে ঘন্টাত 80 কিলোমিটাৰ বেগৰে চলাৰ উপৰিও 10 মিনিটত পাঁচ কিলোমিটাৰ দূৰত্ব অতিক্ৰম কৰিব পাৰিব ৷ বুধবাৰে এই কথা সদৰি কৰে জ’মেটয়ে ৷

জ’মেটৰ প্ৰতিষ্ঠাপক দীপিন্দৰ গোয়েলে ফুড ডেলিভাৰী দ্ৰোণখনৰ সন্দৰ্ভত কয় যে খাদ্য প্ৰেৰণৰ সময় 30 মিনিটৰ 15 মিনিট কৰাৰ একমাত্ৰ সহজ আৰু সুৰক্ষিত উপায় হৈছে এই প্ৰযুক্তি ৷ এই দ্ৰোণখনে 5 কেজি লৈকে ওজন কঢ়িয়াব পাৰিব ৷ লগতে এই প্ৰযুক্তিৰ ফলত দ্ৰোণৰ দ্বাৰা খাদ্য প্ৰেৰণ এক সপোন হৈ নাথাকি দিঠকলৈ পৰিণত হ'ব বুলিও মন্তব্য কৰে প্ৰতিষ্ঠাপকগৰাকীয়ে ৷

ইয়াৰোপৰি দীপিন্দৰ গোয়েলে কয় যে এই ধৰণে খাদ্য প্ৰেৰণ কৰাৰো কিছু সীমাবদ্ধতা আছে, এনে প্ৰযুক্তিয়ে প্ৰতিৰক্ষা ক্ষেত্ৰলৈ ভাবুকি আনিব পাৰে ৷ উল্লেখ্য যে এই দ্ৰোণখন টেকইগল নামৰ এটা দ্ৰোণ প্ৰস্তুতকাৰী প্ৰতিষ্ঠানে সাজি উলিওৱা বুলি জানিব পৰা গৈছে ৷