তথ্য আৰু প্ৰযুক্তি খণ্ডত পাঁচ বছৰত 8.73 লাখ নতুন নিযুক্তিৰ সৃষ্টিঃ ৰবি শংকৰ

তথ্য আৰু প্ৰযুক্তি খণ্ডত বিগত পাঁচ বছৰত 8.73 লাখ নতুন নিযুক্তিৰ সৃষ্টি কৰিলে ৷ কেন্দ্ৰীয় মন্ত্ৰী ৰবি শংকৰে কয় যে, দেশৰ আন্তঃগাথনি, পথ নিৰ্মাণ, আৰু অৰ্থনীতিৰ উত্তৰণৰ বাবে দেশে গোলকীয় অৰ্থনীতিৰ পৰিচয় লাভ কৰিছে ৷ যাৰ ফলত দেশত আৰু অধিক নিযুক্তিৰ সম্ভাৱনা বৃদ্ধি পাইছে ৷

নিউজ ডেস্ক,22 মাৰ্চঃতথ্য আৰু প্ৰযুক্তি মন্ত্ৰী ৰবি শংকৰপ্ৰসাদেবুধবাৰে ঘোষণাকৰে যে, তথ্য আৰু প্ৰযুক্তি খণ্ডত বিগত পাঁচ বছৰত 8.73 লাখ নতুন নিযুক্তিৰ সৃষ্টি কৰিলে ৷ উক্ত নিযুক্তিৰ ক্ষেত্ৰত তথ্য আৰু প্ৰযুক্তিৰ লগতে বিপিঅ' খণ্ডই অকলেই 2.18 লাখ নিযুক্তি 2014-15 বৰ্ষত, 2.03 লাখ নিযুক্তি, 2015-16 বৰ্ষত, 1.05 লাখ নিযুক্তি,2017-18 বৰ্ষত অৰু 2018-19 বৰ্ষত 1.72 লাখ নিযুক্তি প্ৰদান কৰা বুলি তথ্য প্ৰদান কৰে ৷ উক্ত তথ্য মন্ত্ৰীগৰাকীয়ে নাছকম( Nasscom)ৰ আধাৰত প্ৰদান কৰা বুলি উল্লেখ কৰে ৷

কেন্দ্ৰীয় মন্ত্ৰীগৰাকীয়ে লগতে কয় যে, দেশৰ আন্তঃগাঠনি, পথ নিৰ্মাণ, আৰু অৰ্থনীতিৰ উত্তৰণৰ বাবে দেশে গোলকীয় অৰ্থনীতিৰ পৰিচয় লাভ কৰিছে ৷ যাৰ ফলত দেশত আৰু অধিক নিযুক্তিৰ সম্ভাৱনা বৃদ্ধি পাইছে ৷ লগতে তেওঁ কয় যে, 6.7 লাখ পদবী ইলেক্ট্ৰনিক খণ্ডই সৃষ্টি কৰিছে ৷