HONOR য়ে উন্মোচন কৰিলে নতুন স্মাৰ্টফোন, লেপটপ আৰু ঘড়ী

HONOR এ উন্মোচন কৰিলে তিনিবিধ নতুন সামগ্ৰী ৷ নতুন স্মাৰ্টফোন, লেপটপ আৰু ঘড়ী উন্মোচন ৷

বিজনেছ ডেস্ক, 24 জুন :স্মাৰ্টফোন ব্ৰেণ্ড HONOR য়ে উন্মোচন কৰিলে HONOR 9A ৷ এই স্মাৰ্টফোনত 5000mAh বেটাৰী, 33 ঘন্টাৰ 4G ফোনৰ সুবিধা আৰু 35 ঘন্টাৰ ভিডিঅ' প্লেবেকৰ লগতে 37 ঘন্টাৰ FM ৰেডিঅ' প্লেবেকৰ সুবিধা প্ৰদান কৰা হৈছে ৷

HONOR 9A (3GB+64GB) জুলাই মাহৰ পৰা €149.9 ইউৰোছত গ্ৰাহকে ক্ৰয় কৰিব পাৰিব ৷ ভাৰতৰ বজাৰত এই স্মাৰ্টফোনৰ উপলব্ধতা সম্পৰ্কত পৰৱৰ্তী পৰ্যায়ত জানিবলৈ দিয়া হ'ব ৷ Honor য়ে এক টুইটাৰৰ জৰিয়তে কয় যে, ব্ৰেণ্ডটোৱে আৰু এটা নতুন HONOR MagicBook 14 (8GB+256 GB RAM) ৰ উন্মোচন কৰিছে ৷ ইয়াত থাকিব 12 মাহৰ বিশেষ ছাবক্ৰিপছনৰ সুবিধা ৷

এই HONOR MagicBook 14 ব্ৰিটেইন, ফ্ৰান্স আৰু জাৰ্মানীত 649.9 ইউৰোত আগতীয়া বুকিং কৰিব পৰা যাব বুলি কোম্পানীয়ে এক বিবৃতিত প্ৰকাশ কৰে ৷

কেৱল 185 গ্ৰাম ওজনৰ আৰু 9.04 মিলিমিটাৰ বহল HONOR 9A ত তিনিটাকৈ rear camera set-up (13MP+5MP+2MP) থাকিব ৷ এই ডিভাইছত 8MP ৰ ফ্ৰন্ট কেমেৰা আছে ৷

HONOR য়ে উন্মোচন কৰিলে নতুন স্মাৰ্টফোন, লেপটপ আৰু ঘড়ী

Android 10 ৰ দ্বাৰা পৰিচালিত হ'ব লগা HONOR 9A ত থাকিব নতুন Huawei App Gallery ৷ ইয়াৰোপৰি, কোম্পানীয়ে নতুনকৈ প্ৰস্তুত কৰি উলিওৱা HONOR MagicWatch 2 উন্মোচন কৰে ৷

HONOR য়ে উন্মোচন কৰিলে নতুন স্মাৰ্টফোন, লেপটপ আৰু ঘড়ী

লগতে পঢ়ক : চীনা সামগ্ৰী বৰ্জনে চীনৰ অৰ্থনীতিত প্ৰভাৱ নেপেলায় : পি চিদাম্বৰম