গুৱাহাটীত ৰোগীৰ বাবে অনলাইন চিকিৎসা সেৱা

এপ'টোৰ জৰিয়তে ৰোগীয়ে ডাক্তৰৰ বাবে পঞ্জীয়ণ, নিজৰ ৰোগৰৰ সকলো তথ্য, মাছুল আদায় আদি সকলো ঘৰৰ পৰাই কৰিব পৰিব ।

গুৱাহাটী , 17 মে' : গুৱাহাটীত পোন প্ৰথমবাৰৰ বাবে অনলাইন যোগে হ'ব চিকিৎসা সেৱা। শুকুৰবাৰে মহানগৰীৰ আদাবাৰীস্থিত এছ আৰ এল বিটছ্ ডাইগন'ষ্টিক চেন্টাৰে মুকলি কৰে এটা মোবাইল এপ'।

এপ'টোৰ জৰিয়তে ৰোগীয়ে ডাক্তৰৰ বাবে পঞ্জীয়ণ, নিজৰ ৰোগৰৰ সকলো তথ্য, মাছুল আদায় আদি সকলো ঘৰৰ পৰাই কৰিব পৰিব । তাৰোপৰি ৰোগীৰ বাবে বিভিন্ন ধৰণৰ সুবিধা আছে এই মোবাইল এপ'টোত। মোবাইল এপ'টো আনুষ্ঠানিকভাৱে মুকলি কৰে উত্তৰ-পূৱ সীমান্ত ৰেলৱেৰ জনসম্পৰ্কৰক্ষী বিষয়া নৃপেন ভট্টাচাৰ্যই। গুৱাহাটীবাসী এপ'টোৰ জৰিয়তে যথেষ্ট উপকৃত হ'ব বুলি মন্তব্য কৰে ৰেলৱেৰ জনসম্পৰ্কৰক্ষী বিষয়াগৰাকীয়ে।