ভাৰতীয় কৰ্মচাৰীৰ প্ৰথম পচন্দ আমাজন ব্ৰেণ্ড!

গৱেষণা অনুসৰি আমাজনৰ পিছতেই পচন্দ কৰা আন দুটা প্ৰতিষ্ঠান হল ক্ৰমে মাইক্ৰছফ্ট ইণ্ডিয়া আৰু ছ'নি ৷ এই গৱেষণাৰ আন এক তথ্য অনুসৰি ভাৰতবৰ্ষৰ 55 শতাংশ লোকে মাল্টি নেছনেল কোম্পানী (এম এন চি)ত কাম কৰিব আগ্ৰহ প্ৰকাশ কৰে ৷ আনহাতে 9 শতাংশ লোকে ষ্টাৰ্টআপ দৰে ব্যৱসায়ত লিপ্ত হ'ব বিচাৰে ৷

নিউজ ডেস্ক, 17 জুনঃ ই-কমাৰ্চৰ ব্যৱসায়িক প্ৰতিষ্ঠান আমাজন হৈছে ভাৰতীয় সকলৰ প্ৰথম পচন্দ ৷ "ৰেণ্ডষ্টেড এম্প্লয়াৰ ব্ৰেণ্ড ৰিছাৰ্ছ 2019" নামৰ গৱেষণাই প্ৰকাশ কৰিছে এই তথ্য ৷ সোমবাৰে প্ৰকাশিত তথ্য অনুসৰী অধিক দা-দৰমহা, অতি শেহতীয়া প্ৰযুক্তিৰ ব্যৱহাৰ আদিৰ লগতে প্ৰতিষ্ঠানটোৰ উচ্চ মৰ্যদাৰ বাবে প্ৰথম পচন্দ হৈ পৰে আমাজন ব্ৰেণ্ড ৷ গৱেষণাটো অনুসৰি আমাজনৰ পিছতেই পচন্দ কৰা আন দুটা প্ৰতিষ্ঠান হল ক্ৰমে মাইক্ৰছফ্ট ইণ্ডিয়া আৰু ছ'নী ৷

আনহাতে গৱেষণাটোৰ তথ্য অনুসৰী আন আকৰ্ষণীয় ব্ৰেণ্ড সমূহ হৈছে-

• মাৰ্ছেডিছ ব্ৰেঞ্জ- চতুৰ্থ
• আই বি এম- পঞ্চম
• লাৰছেন এন্ টাৰ্ব​'- ষষ্ঠ
• নেছ্লে- সপ্তম
• ইনফ্চিছ- অষ্টম
• ছেমছাং- নৱম
• ডেল- দশম

"ৰেণ্ডষ্টেড এম্প্লয়াৰ ব্ৰেণ্ড ৰিছাৰ্ছ 2019"ৰ এই গৱেষণাই বিশ্বৰ আগশাৰী ব্ৰেণ্ড সমূহৰ 75 শতাংশক সামৰি লৈছে ৷ গোলকীয় অৰ্থনীতিৰ 32 খন অংশগ্ৰহণকাৰী দেশৰ 2,00,000 লোকে এই গৱেষণাত সহাঁৰি জনাইছিল ৷

এই গৱেষণাৰ আন এক তথ্য অনুসৰী ভাৰতবৰ্ষৰ 55 শতাংশ লোকে মাল্টি নেছনেল কোম্পানী (এম এন চি)ত কাম কৰিব আগ্ৰহ প্ৰকাশ কৰে ৷ আনহাতে 9 শতাংশ লোকে ষ্টাৰ্ট আপ দৰে ব্যৱসায়ত লিপ্ত হ'ব বিছাৰে ৷ তথ্যত উল্লেখ কৰা অনুসৰী, বৃহৎ মাল্টি নেছনেল কোম্পানী সমূহে প্ৰদান কৰা দৰমহা, সা-সুবিধা আৰু কেৰিয়াৰৰ সম্ভাৱনাই ভাৰতীয় লোক সকলক আগ্ৰহী কৰে ৷