চলচ্চিত্ৰ নিৰ্দেশক সুকুমাৰৰ সৈতে কাম কৰিবলৈ ইচ্ছুক ছুপাৰষ্টাৰ বিজয় দেবৰকোণ্ডা

চলচ্চিত্ৰ নিৰ্দেশক সুকুমাৰে ইতিমধ্যে আৰ্য, জগদম আৰু ১০০% ল'ভৰ দৰে জনপ্ৰিয় চিনেমাৰ নিৰ্দেশক হিচাপে জনপ্ৰিয়তা অৰ্জন কৰিবলৈ সক্ষম হৈছে ।

নিউজ ডেস্ক, ২৮ ছেপ্টেম্বৰ: তেলেগু চলচ্চিত্ৰ অভিনেতা চুপাৰষ্টাৰ বিজয় দেবৰকোণ্ডাই চলচ্চিত্ৰ নিৰ্মাতা সুকুমাৰৰ সৈতে কাম কৰিবলৈ ইচ্ছা প্ৰকাশ কৰিছে । অভিনেতা জনে নিজৰ অনুৰাগী সকলক এখন স্মৰণীয় চিনেমা আগবঢ়াই দিয়াৰো প্ৰতিশ্ৰুতি প্ৰদান কৰে ।

সোমবাৰে টুইটাৰযোগে এই কথা সদৰি কৰি অভিনেতা জনে এনেদৰে লিখিছে "সুকুমাৰ-বিজয় দেবৰকোণ্ডা । মোৰ মাজত থকা অভিনেতা যথেষ্ট উৎসাহিত হৈ আছে ! মোৰ মাজত থকা দৰ্শক সকলে আনন্দ কৰিছে ! আমি আপোনালোকক এখন স্মৰণীয় চিনেমা আগবঢ়াই দিয়াৰ গেৰাণ্টি আগবঢ়াইছো.... মই চুক্কু ছাৰৰ সৈতে চেটত অপেক্ষা কৰিব নোৱাৰো ।"

অভিনেতা গৰাকীৰ অনুৰাগী সকলো অভিনেতা জনৰ সমান্তৰালকৈ উৎসাহী হৈ পৰিছে ।

উল্লেখ্য যে, চলচ্চিত্ৰ নিৰ্দেশক সুকুমাৰে ইতিমধ্যে আৰ্য, জগদম আৰু ১০০% ল'ভৰ দৰে জনপ্ৰিয় চিনেমাৰ নিৰ্দেশক হিচাপে জনপ্ৰিয়তা অৰ্জন কৰিবলৈ সক্ষম হৈছে ।

লগতে পঢ়ক; আনুষ্ঠানিক স্বীকৃতি বিটিআৰলৈ