গোসাঁইগাঁৱত দুখন ট্ৰাকসহ ধঁপাত সৰবৰাহকাৰী আটক

গোসাঁইগাঁৱত আৰক্ষীৰ এক অভিযানত ধঁপাতসহ দুখন ট্ৰাক জব্দ কৰাৰ লগতে ৪ জনক আটক কৰে ৷

কোকৰাঝাৰ, 10 অক্টোবৰ :কোকৰাঝাৰ জিলাৰ গোসাঁইগাঁৱত নিশা আৰক্ষীয়ে চলোৱা এক অভিযানত ৰাষ্ট্ৰীয় ঘাইপথৰ পৰা দুখন ধঁপাত কঢ়িওৱা ট্ৰাক জব্দ কৰাৰ লগতে 4 জন লোকক আটক কৰে ।

উল্লেখযোগ্য যে, গোসাঁইগাঁও থানাৰ আৰক্ষীয়ে লাভ কৰা এক গোপন খবৰৰ ভিত্তিত ৰাষ্ট্ৰীয় পথত এক অভিযান চলাই গোসাঁইগাঁৱৰ ৩১ নম্বৰ (গ) ৰাষ্ট্ৰীয় ঘাইপথৰ পৰা দুখন ধঁপাত ভৰ্তি ট্ৰাকৰ লগতে 4 জন লোকক আটক কৰে আৰক্ষীয়ে ।

জব্দকৃত ট্ৰাক দুখন পশ্চিম বংগৰ দিনহাটাৰ পৰা ত্ৰিপুৰালৈ গৈ থকা অৱস্থাত জব্দ কৰে আৰক্ষীয়ে । ইফালে জব্দকৃত ধঁপাতৰ বজাৰ মূল্য প্ৰায় ছয় লাখ টকা হ'ব বুলি অনুমান কৰিছে আৰক্ষীয়ে । জব্দকৃত ট্ৰাক দুখনৰ নম্বৰ হ'ল - WB 63 - 5101 আৰু AS 17C - 2522 । ইতিমধ্যে অধিক তথ্যৰ বাবে তদন্ত অব্যাহত ৰাখিছে আৰক্ষীয়ে ।

লগতে পঢ়ক :কঠোৰ নীতি-নিয়মৰ মাজেৰে কাইলৈৰ পৰা খুলিব কামাখ্যাৰ দুৱাৰ