শদিয়া, 28 আগষ্ট: অসমৰ অন্যতম কলা-সংস্কৃতি,পৰম্পৰাৰে চহকী এটা জনগোষ্ঠী হৈছে চাহ জনগোষ্ঠী ৷ এই বৃহত্তৰ চাহ জনগোষ্ঠীৰ এক অংগ হৈছে ওড়িয়া সকল ৷ ওড়িয়া মূলীয় লোক সকলে পৰম্পৰা অনুসৰি পালন কৰি আহিছে এক বিশেষ উৎসৱ ‘‘নোৱাখাই ৷’’
উদযাপন ‘‘নোৱাখাই’’ উৎসৱ
যি দৰে অসমীয়া গাঁও সমূহত ধান দাই শেষ কৰি আঘোন মাহত নতুন চাউলেৰে ৰন্ধা ‘‘ন’ খোৱা’’ পালন কৰে ঠিক তেনেদৰে ওড়িয়া সকলে পালন কৰে ‘‘নোৱাখাই’’ উৎসৱ ৷
জানিব পৰা মতে, গণেশ চতুৰ্থীৰ পিছৰ পৰা উড়িয়া সকলে আহোধানৰ চাউলেৰে প্ৰস্তুত কৰা বিভিন্ন প্ৰকাৰৰ পিঠা-পনা নীতি নিয়মেৰে আগবঢ়োৱা হয় পিতৃ-পুৰুষলৈ ৷ ইয়াৰ সমান্তৰালকৈ ডেকা-জীয়ৰী সকলে ওড়িয়া লোকনৃত্যৰে উদযাপন কৰে এই উৎসৱ ৷