গুৱাহাটী,১০মে' : শুকুৰবাৰে কংগ্ৰেছৰ এটা বিধায়িনী দলে সাক্ষাৎ কৰে এন.আৰ.চিৰ ৰাজ্যিক মুখ্য সমন্বয়ক প্ৰতীক হাজেলাক । বিধায়িনী দলটোৱে কেবাটাও দাবী সম্বলিত এখন স্মাৰক পত্ৰ প্ৰদান কৰে হাজেলাক । বিধায়িনী দলটোত উপস্থিত থাকে দেৱব্ৰত শইকীয়া, অজন্তা নেওগ, নৰুল হুদা, ৱাজেদ আলী চৌধুৰী, চেৰমান আলীকে ধৰি কেইবাজনো সদস্য ।
উল্লেখ্য যে,দাবী আপত্তিৰ ক্ষেত্ৰত বহু প্ৰকৃত ভাৰতীয় নানা সমস্যাৰ সন্মুখীন হ'বলগীয়া হৈছে। একাংশই এন আৰ চিৰ খচৰাত নাম অন্তৰ্ভুক্ত হোৱা বহু লোকৰ বিৰুদ্ধে দাখিল কৰিছিল অভিযোগ । কিন্তু অভিযোগৰ শুনানিৰ দিনা অভিযোগকাৰী উপস্থিত নথকাত হাৰাশাস্তিৰ সন্মুখীন হ'বলগীয়া হয় বহু লোক । এই ক্ষেত্ৰত এক ব্যৱস্থা গ্ৰহণৰ বাবে প্ৰতীক হাজেলাক লিখিত আহ্বান জনাই কংগ্ৰেছৰ বিধায়িনী দলটোৱে । ইফালে, বিধায়িনী দলটোৱে আছুকো এই ক্ষেত্ৰত জগৰীয়া কৰি কয় একাংশ আছু সদস্যই অভিযোগ দাখিল কৰে যদিও শুনানিৰ সময়ত উপস্থিত নাথাকে কোনো এজন আছু সদস্য ।