দিনজোৰা কাৰ্যসূচীৰে নলবাৰীত আছুৰ মুকলি বিহু

নলবাৰী আঞ্চলিক ছাত্ৰ সন্থাৰ উদ্যোগত আৰু নগৰ উন্নতি সভাৰ সহযোগত উদযাপন কৰা মুকলি বিহু অনুষ্ঠানত বিহুৰ লগতে কেইবাটাও জনগোষ্ঠীৰ পৰম্পৰাগত নৃত্য-গীত প্ৰদৰ্শন কৰে শিল্পী সকলে ৷

নলবাৰী, 15 এপ্ৰিলঃ ৰাজ্যজুৰি ৰঙালী বিহু উপলক্ষে দেখা গৈছে ব্যাপক উৎসাহ-উদ্দীপনা । নলবাৰীতো পৰিলক্ষিত হৈছে একেই উৎসাহ ৷ সোমবাৰে দিনজোৰা কাৰ্যসূচীৰে নলবাৰী আঞ্চলিক ছাত্ৰ সন্থাৰ উদ্যোগত আৰু নগৰ উন্নতি সভাৰ সহযোগত উদযাপন কৰা হয় মুকলি বিহু ৷ বিগত বছৰসমূহৰ দৰে এইবাৰো নলবাৰী অঞ্চলিক ছাত্ৰ সন্থাই জিলাখনৰ জ্যেষ্ঠ ব্যক্তি সকলক সন্মান জনাই প্ৰদৰ্শন কৰে কেইবাটাও জনগোষ্ঠীৰ পৰম্পৰাগত নৃত্য-গীত । কন্ঠশিল্পী বাবু বৰুৱাৰ লগতে অভিনেত্ৰী মাধুৰীমা গোস্বামী আৰু বহু কেইগৰাকীও নৱ প্ৰজন্মৰ শিল্পীয়ে অংশ লয় এই সাংস্কৃতিক অনুষ্ঠানত৷