বাক্সা,২৫মে' : শনিবাৰে ৫নং কোকৰাঝাৰ লোকসভা সমষ্টিত দ্বিতীয় বাৰৰ বাবে সাংসদ হিচাপে নিৰ্বাচিত হোৱা নৱ কুমাৰ শৰণীয়াক স্থানীয় ৰাইজ আৰু বিভিন্ন দল-সংগঠনে উষ্ম আদৰণি জনায় । কোকৰাঝাৰ লোকসভা সমষ্টিৰ পৰা সাংসদ হিচাপে নিৰ্বাচিত হোৱাৰ পাছত প্ৰথমখন সংবাদমেল সম্বোধন কৰে সাংসদগৰাকীয়ে । সংবাদমেলত ২০২০-২১ত অনুষ্ঠিত হ'বলগীয়া বিটিচি পৰিষদীয় নিৰ্বাচনত ভাল চৰকাৰৰ প্ৰতিশ্ৰুতি দিয়ে শৰণীয়াই । সাংবাদিকৰ এক প্ৰশ্নোত্তৰত শৰণীয়াই সংসদত ছয় জনগোষ্ঠীৰ লগতে নাথ-যোগী,কলিতাৰ জনজাতিকৰণ আদি বিষয়সমুহৰ ওপৰত মাত মাতি যাব বুলি মন্তব্য কৰে । ইয়াৰোপৰি অনাগত সময়ছোৱাত পৃথক বড়োলেণ্ডৰ কোনো দাবী উত্থীপিত নহয় বুলিও তাপপৰ্যপূৰ্ণ মন্তব্য কৰে নৱ কুমাৰ শৰণীয়াই ।
নৱ কুমাৰ শৰণীয়াৰ সংবাদমেল