মৰিগাঁৱৰ বৰালিমাৰী বজাৰত অগ্নিকাণ্ড

মৰিগাঁৱৰ বৰালিমাৰী বজাৰত সংঘটিত হোৱা ভয়ংকৰ অগ্নিকাণ্ডত ভষ্মিভূত হয় বজাৰখনৰ কেইবাখনো ব্যৱসায়ীক প্ৰতিষ্ঠান, নদীৰ কাষত বজাৰখন হোৱাৰ বাবে বজাৰত উপস্থিত হ'ব নোৱাৰিলে অগ্নি নিৰ্বাপক বাহিনীৰ বাহন

মৰিগাঁও,২৮মে' : সোমবাৰে নিশা মৰিগাঁৱৰ বৰালিমাৰী বজাৰত সংঘটিত হয় অগ্নিকাণ্ডৰ ঘটনা । বিধ্বংসী অগ্নিকাণ্ডই বহু ব্যৱসায়ীক প্ৰতিষ্ঠান ভষ্মিভূত কৰি পেলায় । যাৰ ফলত বহু লক্ষাধিক টকাৰ সম্পত্তিৰ ক্ষতি সাধন হয় । বৰ্তমানলৈ অগ্নিকাণ্ডৰ কাৰণ জানিব পৰা হোৱা নাই যদিও,বিদ্যুৎ বিজুতিৰ বাবে এই ভয়াবহ অগ্নিকাণ্ড সংঘটিত হয় বুলি স্থানীয় ৰাইজে মন্তব্য কৰে ।

উল্লেখ্য যে, বজাৰখন নদীৰ কাষত হোৱা বাবে বজাৰখনলৈ অগ্নি নিৰ্বাপক বাহিনীৰ বাহন যাব নোৱাৰে ।