মালিগাঁৱত সুৰাপায়ী ৰে'ল আৰক্ষীৰ মাজত প্ৰচণ্ড মাৰপিটৰ ঘটনা

আৰক্ষীয়ে গ্ৰেপ্তাৰ কৰিছে আক্ৰমনকাৰী ৰে'ল আৰক্ষী জোৱান আকবৰক। আনহাতে ঘটনা সন্দৰ্ভত গোচৰ ৰুজু কৰি তদন্ত অব্যাহত ৰাখিছে জালুকবাৰী আৰক্ষীয়ে।

গুৱাহাটী, ৩০ ছেপ্টেম্বৰ: মহানগৰীৰ পাণ্ডুস্থিত অসম ৰে'ল আৰক্ষীৰ ছাউনীত প্ৰচণ্ড মাৰপিটৰ ঘটনা সংঘটিত হৈছে। সহকৰ্মীৰ চুৰিকাঘাতত আঘাতপ্ৰাপ্ত হৈছে ৰে'ল আৰক্ষীৰ জোৱান। আকবৰ আলী শ্বেইখ নামৰ জোৱানজনে চোকা অস্ত্ৰৰে আক্ৰমণ কৰে বাণীকান্ত সন্দিকৈ নামৰ এজন জোৱানক। সুৰাপান কৰি সামান্য কথাৰ বাবে দুই জোৱান মাৰপিটত লিপ্ত হয়। ঘটনা ইমানেই ভয়ংকৰ ৰূপ লয় যে আকবৰে চুৰিৰে আক্ৰমণ কৰে বাণীকান্তক। পাছত ঘটনাস্থলীত জালুকবাৰী আৰক্ষী উপস্থিত হৈ ৰক্তাক্ত অৱস্থাত বাণীকান্ত নামৰ জোৱানজনক উদ্ধাৰ কৰে। সম্প্ৰতি গুৱাহাটী চিকিৎসা মহাবিদ্যালয়ত চিকিৎসাধীন অৱস্থাত আছে আঘাতপ্ৰাপ্ত বাণীকান্ত। ইফালে আৰক্ষীয়ে গ্ৰেপ্তাৰ কৰিছে আক্ৰমনকাৰী ৰে'ল আৰক্ষী জোৱান আকবৰক। ঘটনা সন্দৰ্ভত গোচৰ ৰুজু কৰি তদন্ত অব্যাহত ৰাখিছে জালুকবাৰী আৰক্ষীয়ে।

লগতে পঢ়ক: শংকৰদেৱ কলাক্ষেত্ৰত আনন্দৰাম বৰুৱা বঁটা প্ৰদান অনুষ্ঠান