কৰিমগঞ্জ ,২৭ এপ্ৰিল : কৃষি বিভাগে আৱন্টন দিয়া চৰকাৰী বীজক লৈ ৰাজনীতি কৰিমগঞ্জত । হিতাধিকাৰীক বঞ্চিত কৰি দলীয় কৰ্মীৰ মাজত মুগু আৰু মাটিমাহৰ দালি আৱন্টন দিয়াৰ অভিযোগ উত্থাপিত হৈছে দক্ষিণ কৰিমগঞ্জ বিধানসভা সমষ্টিৰ বিধায়ক আজিজ আহমেদ খানৰ বিৰুদ্ধে । শনিবাৰে এই ঘটনাক কেন্দ্ৰ কৰি উত্তপ্ত পৰিস্থিতিৰ সৃষ্টি হয় নিলামবজাৰ চক্ৰ বিষয়াৰ কাৰ্যালয়ত । ন্যায্য হিতাধিকাৰী সন্মুখতে বিধায়ক আজিজ আহমেদ খানৰ মানুহে দালিৰ বীজ লৈ যোৱাৰো অভিযোগ উত্থাপন হৈছে ।
বীজ আবণ্টনক লৈ ৰাজনীতি
কৃষি বিভাগে আৱন্টন দিয়া চৰকাৰী বীজক লৈ ৰাজনীতি কৰাৰ অভিযোগত কৰিমগঞ্জৰ নিলামবজাৰ চক্ৰ বিষয়াৰ কাৰ্যালয়ত উত্তপ্ত পৰিস্থিতি
আনহাতে বৃহস্পতিবাৰে নিশা নিলামবজাৰ ৰাইজে বিধায়ক আজিজ আহমেদ খানৰ ঘৰলৈ যোৱাৰ পথত আটক কৰিছিল দুখনকৈ বীজ কঢ়িওৱা বাহন । এই বাহন দুখন আৰক্ষী থানাত চমজাই দি কৃষি বিভাগৰ একাংশ বিষয়াৰ ওপৰত ৰুজু কৰা হৈছিল গোচৰ । কিন্তু ৰহস্যজনক ভাৱে জব্দকৃত বীজখিনি চক্ৰ বিষয়াৰ কাৰ্য্যালয়ত অনা হৈছে বুলি স্থানীয় ৰাইজে খবৰ পোৱাত ক্ষোভিত হৈ পৰে অঞ্চলবাসী । ক্ষোভিত ৰাইজে কাৰ্যালয়ত উপস্থিত লৈ উত্তপ্ত পৰিস্থিতিৰ সৃষ্টি কৰে । ইফালে এই ঘটনাত নিলামবজাৰ আৰক্ষীয়ে বিধায়কজনক সহায় কৰি আহিছে বুলিও অভিযোগ উত্থাপিত কৰে স্থানীয় ৰাইজে ।
লগতে চাবলৈ: কৰিমগঞ্জত ৰাষ্ট্ৰীয় ঘাইপথৰ দুৰৱস্থাই জ্বলাকলা খুৱাইছে পথচাৰীক