ডিফু, ১০ নৱেম্বৰ: মঙলবাৰে ডিফুস্থিত কাৰ্বি আংলং জিলা প্ৰেছ ক্লাৱ চমুকৈ ডিপিচিকেৰ এখন জৰুৰী কাৰ্যনিৰ্বাহক সভা অনুষ্ঠিত কৰা হয়। সভাপতি কিৰি ৰংহাঙৰ পৌৰহিত্যত অনুষ্ঠিত হোৱা সভাখনৰ উদ্দেশ্য বাখ্যা কৰে কৰে সাধাৰণ সম্পাদক ডেনিয়েলচন বে'ই ৷ সভাত বিশেষকৈ সমাগত ৰাষ্ট্ৰীয় প্ৰেছ দিৱসটি পালন কৰা সন্দৰ্ভত বিস্তৃতভাবে আলোচনা কৰা হয় ৷
উল্লেখ্য যে, এইবেলি ক'ভিড ১৯ প্ৰট'কলৰ প্ৰতি লক্ষ্য ৰাখি ৰাষ্ট্ৰীয় প্ৰেছ দিৱসটি তাৰালাংচৰ নৈসৰ্গিক পৰিৱেশৰ মাজত অনুষ্টুপীয়াকৈ উদযাপন কৰাৰ সিদ্ধান্ত গ্ৰহণ কৰা হয় ৷ এই উপলক্ষে ডিপিচিকেই সৰ্ব সন্মত সিদ্ধান্ত মৰ্মে বিত্ত উপ-সমিতি, খাদ্য উপ-সমিতি আৰু সাজ- সজ্জা উপ-সমিতি গঠন কৰি দিয়াৰ লগতে প্ৰয়োজনীয় বাজেট প্ৰস্তাৱো গ্ৰহণ কৰা হয় ৷