ধুবুৰী, ৫ জুনঃ মহামাৰী কৰ'ণাতংকৰ মাজতেই নিজৰ জীৱনক তুচ্ছ কৰি হলেও নিষ্ঠাৰে সংবাদ সেৱা আগবঢ়াই যোৱা ধুবুৰীৰ সাংবাদিক সকলক সম্বৰ্ধনা জনোৱা হয়। সীমান্ত চেতনা মঞ্চ পূৰ্বোত্তৰৰ তৰফৰ পৰা জিলাখনৰ বহুকেইগৰাকী প্ৰদান কৰা হয় এই সম্বৰ্ধনা।
ধুবুৰীত সাংবাদিকক সম্বৰ্ধনা - সীমান্ত চেতনা মঞ্চ পূৰ্বোত্তৰ
সীমান্ত চেতনা মঞ্চ পূৰ্বোত্তৰৰ ফালৰ পৰা ধুবুৰী জিলাৰ বহুকেইগৰাকী সাংবাদিক সম্বৰ্ধনা জ্ঞাপন। কোভিড ১৯ সংকটৰ সময়তো সংবাদ সেৱা আগবঢ়াই যোৱাৰ বাবে সংস্থাটোৱে প্ৰদান কৰে সম্বৰ্ধনা ।
journalist felicitated at dhubri
শুকুৰবাৰে ধুবুৰী লায়ন্স ক্লাৱৰ সভা কক্ষত অনুষ্ঠিত হোৱা এই সম্বৰ্ধনা অনুষ্ঠানত ধুবুৰীৰ সাংবাদিক বিজয় শৰ্মা,আছিকুৰ ৰহমান,ৰাজীৱ চৌধুৰী,সাহানুৰ ইছলাম আদিকে ধৰি বহু কেইজন সাংবাদিকক সংস্থাটোৱে সম্বৰ্ধনা জ্ঞাপন কৰে। সীমান্ত চেতনা মঞ্চ পূৰ্বোত্তৰৰ সভানেত্ৰী ডo প্ৰতিমা নিয়োগিৰ উপস্থিতিত প্ৰত্যেকগৰাকী সাংবাদিককে এখন ফুলাম গামোচাৰ লগতে মাস্ক,হেণ্ড গ্লোবছ,ফলমূল, চেনিটাইজাৰ,কলম আদিৰে সম্বৰ্ধনা জনোৱা হয়।
লগতে চাওকঃ বাহন দুৰ্ঘটনাগ্ৰস্থ হৈ গুৰুতৰভাৱে আহত 5জন এছএছবি জোৱান