যোৰহাট, ২৬ ছেপ্টেম্বৰ:কৃষক মুক্তি সংগ্ৰাম সমিতিয়ে সদায়েই অভিযোগ কৰি আহিছিল যে বিজেপি চৰকাৰে একমাত্ৰ পুঁজিপতিৰ স্বাৰ্থত কাম কৰি আহিছে । শেহতীয়াকৈ কৃষি খণ্ডত প্ৰযোজ্য কৰিব বিচৰা কৃষি বিধেয়ক খনে যেন তাকেই পুনৰ এবাৰ প্ৰমাণ কৰিলে । এই অভিযোগ উত্থাপন কৰি শনিবাৰে যোৰহাট জিলা উপায়ুক্তৰ কাৰ্যালয়ৰ সন্মুখত কৃষক মুক্তি সংগ্ৰাম সমিতিৰ যোৰহাট জিলা সমিতিয়ে তিনিখন বিলৰ প্ৰতিলিপি দাহ কৰি প্ৰতিবাদ সাব্যস্ত কৰে ।
বিভিন্ন সমস্যাই জৰ্জৰিত দেশৰ কৃষকৰ সমস্যা সমাধান নকৰি একমাত্ৰ পুঁজিপতিৰ স্বাৰ্থত তিনিখনকৈ বিধেয়ক ক্ৰমে:- Farmers produce trade and commerce(promotion and facilitation)bill,2020, Farmers (empowerment and protection) Agreement of price Assurance and Farm services bill,2020 আৰু Essential commodities (Amendment)bill গৃহীত কৰিবলৈ লোৱাত দেশৰ কৃষি খণ্ড পুঁজিপতিৰ হাতলৈ যোৱাটো নিশ্চিত বুলি অভিযোগ কৰিলে প্ৰতিবাদকাৰীসকলে।