আমেৰিকা দূতাবাসত আক্ৰমনৰ লক্ষ্য কৰি প্ৰেৰণ কৰা ৰকেটক বাধা ইৰাকৰ

ইৰাকৰ ৰাজধানী বাগবাদস্থিত আমেৰিকা দূতাবাসক লক্ষ্য কৰি কেইবাবাৰো আক্ৰমন চলোৱা হৈছিল । বিগত অক্টোবৰ মাহৰ পৰা ইৰাকত প্ৰায় ২১ বাৰ আক্ৰমন কৰা হৈছিল বুলি জানিব পৰা গৈছে।

নিউজ ডেস্ক, ৫ জুলাইঃবাগদাদস্থিত আমেৰিকা দূতাবাসৰ ওপৰত হোৱা ৰকেট আক্ৰমনক ইৰাকৰ বায়ু প্ৰতিৰক্ষা ব্যৱস্থাৰে বাধা প্ৰদান কৰা হয় । অল আৰবিয়াৰ সংবাদদাতাই প্ৰকাশ কৰা অনুসৰি, ইৰাক বায়ু প্ৰতিৰক্ষা ব্য়ৱস্থাই বাগদাদস্থিত আমেৰিকা দূতাবাসক আক্ৰমনৰ লক্ষ্য কৰি প্ৰেৰণ কৰা ৰকেটক বাধা প্ৰদান কৰে ।

ইয়াৰ পূৰ্বে কেইবাবাৰো ইৰাকৰ ৰাজধানী বাগবাদস্থিত আমেৰিকা দূতাবাসক লক্ষ্য কৰি আক্ৰমন চলোৱা হৈছিল । চলিত বৰ্ষৰ মে' মাহতো আমেৰিকা দূতাবাসক উদ্দেশ্য়ি ৰকেটেৰে আক্ৰমন কৰিছিল । কিন্তু এই আক্ৰমনত কোনো লোক হতাহত হোৱা নাছিল । উল্লেখ্য যে, বিগত অক্টোবৰ মাহৰ পৰা ইৰাকত প্ৰায় ২১ বাৰ আক্ৰমন কৰা হৈছিল ।

লগতে পঢ়ক :আমেৰিকাৰ 244 সংখ্যক স্বাধীনতা দিৱসত মোডীৰ শুভেচ্ছা বাৰ্তা