ধুবুৰীত দুখন চোৰাং কাঠভৰ্তি ট্ৰাক জব্দ

পৰিবহণ বিভাগৰ তালাচী অভিযানত ধুবুৰীত বৃহৎ পৰিমাণৰ অবৈধ কাঠ জব্দ কৰিবলৈ সক্ষম হয় ।

ধুবুৰী,17 অক্টোবৰ :ধুবুৰীৰ বালাজানত অবৈধ কাঠভৰ্তি দুখন ট্ৰাক জব্দ । নিশা জিলা পৰিবহন বিভাগৰ অভিযানত জব্দ চোৰাং কাঠ ভৰ্তি ট্ৰাক দুখন ৷ ধুবুৰীত এতিয়াও অব্যাহত আছে চোৰাং কাঠৰ ৰমৰমীয়া বেহা । তেনে সময়তে নিশা ধুবুৰী জিলা পৰিবহন বিভাগৰ তালাচী অভিযানত জব্দ বৃহৎ পৰিমাণৰ অবৈধ কাঠ ।

ধুবুৰীত দুখন চোৰাং কাঠভৰ্তি ট্ৰাক জব্দ

উল্লেখযোগ্য যে, ধুবুৰী জিলা পৰিবহণ বিভাগৰ সহকাৰী পৰিদৰ্শক আৰিফুল ইছলামৰ নেতৃত্বত এটি অভিযানকাৰী দলে ৩১ নং ৰাষ্ট্ৰীয় ঘাইপথত তালাচী অভিযান চলায় । উক্ত অভিযানত মেঘালয়ৰ পৰা পাটনা অভিমুখে CB-04GB 1654 আৰু BR-01GG 9872 নম্বৰৰ অবৈধ কাঠভৰ্তি ট্ৰাক দুখন আহি থকাৰ সময়তে বালাজান অঞ্চলত আটক কৰিবলৈ সক্ষম হয় ।

ধুবুৰীত দুখন চোৰাং কাঠভৰ্তি ট্ৰাক জব্দ

উল্লেখ্য যে, ট্ৰাকদুখনত প্ৰায় ৩৬ টন চোৰাং কাঠ আছে বুলি পৰিবহণ বিভাগে জনাইছে । ইফালে পৰিবহণ বিভাগে বনবিভাগক খবৰ দি স্থানীয় বালাজান আৰক্ষী চকীত ট্ৰাকদুখন চমজাই দিয়ে । আৰক্ষীয়ে উক্ত ঘটনাৰ বিৰুদ্ধে তদন্ত অব্যাহত ৰাখিছে ।

লগতে পঢ়ক :কল্পনা পাটোৱাৰীৰ সৈতে ইটিভি ভাৰতৰ আছুতীয়া সাক্ষাৎকাৰ