কোকৰাঝাৰ, 18অক্টোবৰ :গোসাঁইগাঁৱৰ ৩১ নং ৰাষ্ট্ৰীয় ঘাইপথত আৰক্ষীয়ে চলোৱা অভিযানত অবৈধ ভাবে কয়লা সৰবৰাহ কৰা তিনিখন কয়লা ভৰ্তি ট্ৰাক জব্দ ৷ লগতে চালক সহ ছয় জন লোকক আটক কৰিছে আৰক্ষীয়ে ।
গোসাঁইগাঁৱত তিনিখন অবৈধ কয়লা ভৰ্তি ট্ৰাক সহ ছয় জনক আটক
গোসাঁইগাঁও আৰক্ষীয়ে তালাচী চলাই অবৈধ ভাবে কয়লা সৰবৰাহ কৰি থকা তিনিখন ট্ৰাক জব্দ কৰাৰ লগতে চালক সহ ছয় জন লোকক আটক কৰিবলৈ সক্ষম হয় ৷
গোসাঁইগাঁৱত তিনিখন অবৈধ কয়লা ভৰ্তি ট্ৰাক সহ ছয় জনক আটক আৰক্ষীৰ
ইফালে, আৰক্ষীৰ সুত্ৰৰ জৰিয়তে জানিব পৰা মতে, গোসাঁইগাঁও সদৰ থানাৰ ভাৰপ্ৰাপ্ত বিষয়া মন্টু ৰাম বৰাৰ নেতৃত্বত আৰক্ষীৰ এটা দলে অভিযান চলাই পশ্চিমবংগ অভিমুখে গৈ থকা অৱস্থাত ইউ পি- ৫৩ ই টি/৪০০৩,এন এল ০১- এ এ /৬৪৯২ আৰু এন এল- ০১ এন/৪১৪৪ নম্বৰৰ তিনিখন অবৈধ কয়লা ভৰ্তি ট্ৰাক জব্দ কৰিবলৈ সক্ষম হয় ।
আনহাতে, আৰক্ষীয়ে ট্ৰাক তিনিখনৰ চালক আৰু হেণ্ডিমেনক আটক কৰি জব্দকৃত ট্ৰাক সহ গোসাঁইগাঁও থানালৈ লৈ আনে ৷ উল্লেখ্য যে, জব্দ হোৱা ট্ৰাক তিনিখন গুৱাহাটীৰ পৰা বিহাৰৰ কাটিহাৰলৈ গৈ আছিল বুলি আৰক্ষী সূত্ৰত প্ৰকাশ পাইছে । ইতিমধ্যে উক্ত ঘটনাৰ সন্দৰ্ভত তদন্ত অব্যাহত ৰাখিছে আৰক্ষীয়ে ।
লগতে পঢ়কঃ বিলাসীপাৰাত বন বিভাগৰ অভিযানত জব্দ বৃহৎ পৰিমাণৰ চোৰাং কাঠ