হাজোৰ খলিহামাৰীত পাগলদিয়া নদীৰ তাণ্ডৱ

হাজোৰ খলিহামাৰীত পাগলদিয়া নদীৰ গৰাখহনীয়াই তাণ্ডৱ চলায়, গৰাখহনীয়াত কেইবাটাও পৰিয়ালৰ বাসগৃহৰ লগতে পথাৰ জাহ যায়

হাজো,২মে' : কামৰূপ জিলা প্ৰশাসনৰ সীমান্তবৰ্তি হাজোৰ খলিহামাৰীত পাগলদিয়া নদীৰ বাঢ়নী পানীয়ে চলাইছে তাণ্ডৱ । নদীৰ গঢ়া খহি বিঘাই-বিঘাই পথাৰৰ লগতে কেইবাটাও বাসগৃহৰ ক্ষতি হয় । এই গৰাখহনীয়াৰ বাবে এতিয়া আতংকিত হৈ উঠিছে ৰাইজ । ইফালে, গৰাখহনীয়া ৰোধৰ বাবে চৰকাৰক অঞ্চলবাসীয়ে দীৰ্ঘদিন ধৰি খবৰ দি আহিছে যদিও চৰকাৰে এই ক্ষেত্ৰত কোনো ব্যৱস্থা গ্ৰহণ নকৰাৰ অভিযোগ উত্থাপন কৰে স্থানীয় ৰাইজে ।

উল্লেখ্য যে, ১৯৯৬ চনত পাগলদিয়া নদীৰ গৰাখহনীয়াৰ কৱলত পৰি খলিহামাৰী গাওখনৰ কেইবাটাও পৰিয়াল স্থানান্তৰিত হবলগীযা হৈছিল । ইয়াৰ পাছত পুনৰ গৰাখহনীয়াৰ ফলত অঞ্চলটোৰ ২০টাকৈ পৰিয়ালৰ ঘৰ-দুৱাৰ ভাঙি বিস্তৰ ক্ষতি সাধন হৈছিল । চৰকাৰৰ ওচৰত অঞ্চলবাসীৰ দাবী অতি শীঘ্ৰে এই গৰাখহনীয়া ৰোধ কৰক ।