গোলাঘাট,২১মে' : গোলাঘাট জিলাৰ শ্ৰীমন্ত নগৰৰ এগৰাকী বিশেষ মহিলাই দাঙি ধৰিছে স্বাৱলম্বীতাৰ এক উৎকৃষ্ট নিদৰ্শন । ঘৰৰ এটা চুকতে বৃহৎ পৰিমাণৰ এৰী পলু প্ৰতিপালন কৰি স্বাৱলম্বী হৈছে গোলাঘাটৰ পুতলি বৰাই । প্ৰায় ২ কিলোগ্ৰাম এৰী পলুৰ প্ৰতিপালন কৰা পুতলীৰ একমাত্ৰ উপাৰ্জনৰ পথ এতিয়া এই এৰী পলু । ইফালে, প্ৰতি কিলোগ্ৰাম পলুত ৪০০ টকাকৈ বিক্ৰী কৰাৰ লগতে খাদ্যৰ বাবে ব্যৱহাৰ কৰা লেটা পোক আৰু পলুৱে সজা বাঁহটোও ঘৰৰ পৰাই সুলভ মূল্যত বিক্ৰী কৰে বুলি মন্তব্য কৰে পুতলীয়ে । পুতলীৰ এই পদক্ষেপ এতিয়া আন মহিলাসকলৰ বাবেও স্বাৱলম্বীতাৰ এক নতুন নিদৰ্শন হৈ পৰিছে ।
গোলাঘাটত এৰী পলুৰ প্ৰতিপালনেৰে জীৱন নিৰ্বাহ কাৰ এগৰাকী মহিলা