গোলাঘাট,25 এপ্ৰিলঃ অসমীয়া ভাষাৰ প্ৰসাৰ আৰু শিশুৰ বৌদ্ধিক বিকাশৰ বাবে শংকৰ বুক'ষ্টল আৰু পায়নিয়াৰ ফাউণ্ডেশ্যনে এক কাৰ্যসূচী হাতত লয় ৷ বৃহস্পতিবাৰে গোলাঘাটৰ কুৱৰীগাঁও প্ৰাথমিক বিদ্যালয়ত শিশুৰ উপযোগী আলোচনী, সঁফুৰা, মৌচাক, টিংকল আৰু সাধু কিতাপ বিনামূলীয়াকৈ শিশু সকলৰ মাজত বিতৰণ কৰে ৷ কণ কণ শিশুসকলৰ কুমলীয়া বয়সতেই যাতে অধ্যয়নৰ প্ৰতি ধাউতি বৃদ্ধি পায় আৰু বৌদ্ধিক বিকাশ ঘটে তাৰ বাবে সংগঠনটোৱে এই কাৰ্যসূচী হাতত লয় ৷ শিশুসকলৰ শিক্ষাৰ প্ৰতি মনোযোগ বৃদ্ধিৰ বাবে শংকৰ বুক'ষ্টল আৰু পায়নিয়াৰ ফাউণ্ডেশ্যনে এই কিতাপসমূহ বিক্ৰী নকৰি বিদ্যালয়ৰ শিশুসকলৰ মাজত বিতৰণ কৰাৰ সিদ্ধান্ত লয় ৷ সংগঠনটোৰ এনে পদক্ষেপৰ বাবে বিদ্যালয়খনৰ শিক্ষকসকলে শংকৰ বুক'ষ্টল আৰু পায়নিয়াৰ ফাউণ্ডেশ্যনক শলাগ লয় ৷
বিনামূলীয়া কিতাপ বিতৰণ