কংগ্ৰেছী সমৰ্থকক নিৰাশ কৰিলে ৰকিবুল হুছেইনে

শুকুৰবাৰে তেজপুৰ লোকসভা সমষ্টিৰ বিহপুৰীয়াত নিৰ্বাচনী প্ৰচাৰ সভাত উপস্থিত হোৱাৰ কথা আছিল প্ৰাক্তন মন্ত্ৰী ৰকিবুল হুছেইন ৷ কিন্তু পুৱা 10 বজাত উপস্থিত হ'বলগীয়া হুছেইন আবেলি তিনি বজা পৰ্যন্ত উপস্থিত ন'হল ৷

শোণিতপুৰ, 5 এপ্ৰিলঃ বিহপুৰীয়াত কংগ্ৰেছৰ নিৰ্বাচনী সভাত আশা ভংগ হ'ল কংগ্ৰেছী সমৰ্থকৰ । বিহপুৰীয়া নিৰ্বাচনী সভাত প্ৰাক্তন মন্ত্ৰী ৰকিবুল হুছেইন উপস্থিত নোৱাৰ বাবেই সভাৰ পৰা নিৰাশ হৈ উভটিলে কংগ্ৰেছী সমৰ্থক ৷ উল্লেখ্য যে, শুকুৰবাৰে বিহপুৰীয়াত নিৰ্বাচনী প্ৰচাৰ সভাত উপস্থিত হোৱাৰ কথা আছিল প্ৰাক্তন মন্ত্ৰী ৰকিবুল হুছেইন ৷ কিন্তু পুৱা 10 বজাত উপস্থিত হ'বলগীয়া হুছেইন আবেলি তিনি বজা পৰ্যন্ত উপস্থিত ন'হল ৷ বৰষুণৰ ফলত হেলিকপ্টাৰ উৰিব নোৱাৰা বাবেই নিৰ্বাচনী প্ৰচাৰত অংশ নলয় বুলি ঘোষণা কৰিলে কংগ্ৰেছ কৰ্মীয়ে ৷ যাৰ বাবে প্ৰতিকুল বতৰকো নেউচি নিৰ্বাচনী সভাত অংশ লবলৈ অহা কংগ্ৰেছী সমৰ্থকসকলে নিৰাশ হৈ উভতিবলগীয়া হয় ঘৰমুখে ৷