ডিফুত কৰ'ণাৰ পৰীক্ষাৰ ওপৰত বিশেষ গুৰুত্ব আৰোপ জিলা প্ৰশাসনৰ

মঙলবাৰে জিলা উপায়ুক্ত চন্দ্ৰধ্বজ সিঙহই নিজে ডিফু চহৰৰ মাজমজিয়াত অনুষ্ঠিত কৰ'ণা স্ক্ৰীনিং কেন্দ্ৰৰ সন্মুখত পথচাৰী আৰু অট'চালক সকলক কৰ'ণাৰ বাবে স্বাৱ টেষ্ট কৰিবলৈ উৎসাহিত কৰে ৷

ডিফু, ৩০ ছেপ্তেম্বৰঃ কৰ'ণা ভাইৰাছৰ সংক্ৰমণৰ ঘটনা বৃদ্ধি হোৱাৰ পৰিপ্ৰেক্ষিতত কাৰ্বি আংলং জিলা প্ৰশাসনে ইয়াৰ ওপৰত পূৰ্বৰে পৰা বিশেষ সতৰ্কতা অৱলম্বন কৰা পৰিলক্ষিত হৈছে ৷

ডিফুত কৰ'ণাৰ পৰীক্ষাৰ ওপৰত বিশেষ গুৰুত্ব আৰোপ জিলা প্ৰশাসনৰ

জিলাখনৰ প্ৰতিটো মহকুমাত কৰ'ণাৰ বিনামূলীয়া স্বাৱ পৰীক্ষাত জিলা প্ৰশাসনে গুৰুত্ব আৰোপ কৰা পৰিলক্ষিত হৈছে ৷ মঙলবাৰে জিলা উপায়ুক্ত চন্দ্ৰধ্বজ সিঙহই নিজে ডিফু চহৰৰ মাজমজিয়াত অনুষ্ঠিত কৰ'ণা স্ক্ৰীনিং কেন্দ্ৰৰ সন্মুখত পথচাৰী আৰু অট'চালক সকলক কৰ'ণাৰ বাবে স্বাভ টেষ্ট কৰিবলৈ উৎসাহিত কৰে ৷

আনহাতে মঙলবাৰে ডিফু পৌৰ নিগমৰ কাৰ্যবাহী অভিযন্তাৰ স্বাক্ষৰিত এক নিৰ্দেশ মৰ্মে ডিফু চহৰৰ প্ৰতিজন,ব্যৱসায়ী,দোকানৰ কৰ্মচাৰী সকলক নিৰ্দেশ জাৰি হোৱাৰ তিনিদিনৰ ভিতৰত স্বাৱ টেষ্ট কৰিবলৈ উল্লেখ কৰিছে ৷ স্বাৱ টেষ্ট নকৰাকৈ কোনোৱে ব্যৱসায়িক প্ৰতিষ্ঠান খুলিব নোৱাৰিব বুলি নিৰ্দেশনাটোত উল্লেখ আছে ৷ উক্ত নিৰ্দেশনাৰ পিছত স্ক্ৰীনিং চেণ্টাৰত মানুহৰ ভিৰ পৰিলক্ষিত হৈছে ৷ উক্ত নিৰ্দেশনা জিলা উপায়ুক্তৰ নিৰ্দেশ মৰ্মে জাৰি কৰা হৈছে বুলি এক টেলিফোনিক বাৰ্তালাপত ডিফু পৌৰ নিগমৰ কাৰ্যবাহী অভিযন্তা নিপু চৰণ দত্তই জানিবলৈ দিছে ৷

লগতে পঢ়ক: ত্ৰিপুৰা আৰক্ষীৰ অভিযানত জব্দ বৃহৎ পৰিমাণৰ সুৰা