ঐতিসাহিক ৰাণী চাপৰিত পৰম্পৰা অনুসৰি মনসা পূজা পালন

মঙলবাৰৰ পৰা ৫ দিনীয়া বিভিন্ন পাৰম্পৰিক কাৰ্যসূচীৰে বৰঝাৰ বিমানবন্দৰৰ ওচৰৰ ঐতিসাহিক ৰাণী চাপৰিত অনুষ্ঠিত কৰা হয় মনসা পূজা

কামৰূপ, 24 এপ্ৰিলঃ মহানগৰীৰ ধাৰাপুৰ গড়লত ঐতিহাসিক মনসা পূজা পালন । ৫ দিনীয়া বিভিন্ন পাৰম্পৰিক কাৰ্যসূচীৰে বৰঝাৰ বিমানবন্দৰৰ ওচৰৰ ঐতিসাহিক ৰাণী চাপৰিত অনুষ্ঠিত কৰা হয় মনসা পূজা। মঙলবাৰৰ পৰা অনুষ্ঠিত এই ঐতিহাসিক মনসা পূজাৰ আজি দ্বিতীয় তথা মূল পূজাত সমাগম ঘটে বহু হাজাৰ লোকৰ। পুৱাৰে পৰা মনৰ কামনা পূৰণৰ বাবে মা-মনসাৰ আশীৰ্বাদ ল'বলৈ ভক্তৰ লানি নিচিগা সোত বয় এই ঐতিসাহিক ৰাণী চাপৰি মনসা মন্দিৰলৈ ।

উল্লেখ্য যে, মা মনসাৰ পূজা উপলক্ষে সমগ্ৰ অঞ্চলতে এক ধাৰ্মিক পৰিৱেশে বিৰাজ কৰিছে। পৰম্পৰা অনুসৰি পুৱাৰ পৰা জলযাত্ৰা,ঘট স্থাপন,উচৰ্গা,হোমাগ্নী,পূৰ্ণাহুতি আদি বিভিন্ন পাৰম্পৰিক অনুষ্ঠান অনুষ্ঠিত হৈ যায়। এই পূজালৈ জাতি-ধৰ্ম নিৰ্বিশেষে সমাগম ঘটে অসংখ্য ভক্তৰ ।