নিউজ ডেস্ক, ৩ জুনঃছত্তিশগড়ৰ বেমেট্ৰা জিলাত সংঘটিত হয় মৰ্মান্তিত ঘটনা। ৰাষ্ট্ৰীয় ঘাইপথৰ সমীপত এগৰাকী৮ বছৰীয়া কিশোৰীক দলবদ্ধ ধৰ্ষণ কৰি পেলাই থৈ যায় দুৰ্বৃত্তই। বুধবাৰে সংঘটিত হয় এই ঘটনা।
এই ঘটনাত গুৰুতৰভাৱে আহত কিশোৰীগৰাকীক স্থানীয় লোকে উদ্ধাৰ কৰি বেমেট্ৰা জিলা সদৰ হাস্পতালত ভৰ্তি কৰায়। লগতে,স্থানীয় লোকে কিশোৰীগৰাকীক এই অৱস্থাত প্ৰত্যক্ষ কৰি আৰক্ষীক খবৰ দিয়ে। এই ঘটনাৰ খবৰ লাভ কৰি বেমেট্ৰাৰ অতিৰিক্ত আৰক্ষী অধিক্ষক ঘটনাস্থলীত উপস্থিত হৈ তদন্ত আৰম্ভ কৰে। কিশোৰীগৰাকীক দলবদ্ধ ধৰ্ষণৰ বলি হৈছে নে নাই এই সন্দৰ্ভত স্বাস্থ্য পৰীক্ষাৰ প্ৰতিবেদন অহাৰ পিছতহে জানিব পৰা যাব বুলি অতিৰিক্ত আৰক্ষী অধীক্ষকগৰাকীয়ে প্ৰকাশ কৰে।