স্থানীয় সামগ্ৰী বিক্ৰেতাৰ ওপৰত অধিক গুৰুত্ব প্ৰদান কৰিব কেন্দ্ৰীয় চৰকাৰে

কেন্দ্ৰীয় চৰকাৰে ৫০ শতাংশ স্থানীয় সামগ্ৰী প্ৰস্তুত কৰা ব্যৱসায়িক প্ৰতিষ্ঠানক সমৰ্থন কৰাৰ সিদ্ধান্ত গ্ৰহণ কৰিছে, যাৰ মূল উদ্দেশ্য 'মেক ইন ইণ্ডিয়া'ক সমৰ্থন কৰা আৰু দেশবাসীক আত্মনিৰ্ভৰশীল কৰি তোলা ।

নেশ্যনেল ডেস্ক, ৭ জুন:কেন্দ্ৰীয় চৰকাৰে সেইবোৰ ব্যৱসায়িক প্ৰতিষ্ঠানক সমৰ্থন কৰাৰ সিদ্ধান্ত গ্ৰহণ কৰিছে, যিবোৰ প্ৰতিষ্ঠানে প্ৰস্তুত কৰা সামগ্ৰীসমূহৰ ৫০ শতাংশ স্থানীয় সামগ্ৰী হ'ব । যাৰ মূল উদ্দেশ্য ‘মেক ইন ইণ্ডিয়া’ক সমৰ্থন কৰা আৰু দেশবাসীক আত্মনিৰ্ভৰশীল কৰি তোলা ।

স্থানীয় সামগ্ৰী বিক্ৰেতাৰ ওপৰত অধিক গুৰুত্ব প্ৰদান কৰিব কেন্দ্ৰীয় চৰকাৰে

The Revised Public Procurement (Preference to Make in India), Order 2017ৰ অধীনত প্ৰথম আৰু দ্বিতীয় শ্ৰেণীৰ সামগ্ৰীসমূহ চৰকাৰীভাৱে অগ্ৰাধিকাৰ পাব যদিও অস্থানীয় সৰবৰাহকাৰীয়ে এই সুবিধা নাপায় । প্ৰথম শ্ৰেণীৰ ব্যৱসায়ীসকলৰ বাবে ঘৰুৱা সামগ্ৰীৰ মূল্য ৫০ শতাংশতকৈ অধিক হ'ব । দ্বিতীয় শ্ৰেণীসকলৰ বাবে ২০ শতাংশতকৈ অধিক কিন্তু ৫০ শতাংশতকৈ কম হ'ব ।

আনহাতে, ২০ শতাংশতকৈ কম মূল্যৰ ব্যৱসায়িক প্ৰতিষ্ঠানসমূহে চৰকাৰী সুবিধাখিনি নোপোৱাৰ বাবে তেওঁলোকক অস্থানীয় প্ৰতিষ্ঠানত অন্তৰ্ভুক্ত কৰা হয় । স্থানীয় সামগ্ৰীৰ মূল্য মানে হৈছে ভাৰতৰ সৈতে জড়িত সামগ্ৰীৰ মূল্য ।