বঙাইগাঁৱত আধাৰ কাৰ্ডৰ নামত দুৰ্নীতি !

আধাৰ কাৰ্ডক কেন্দ্ৰ কৰি ব্যাপক দুৰ্নীতি সংঘটিত হৈছে বঙাইগাঁও জিলাৰ কাকৈজানা গাঁও পঞ্চায়তৰ কাৰ্যালয়ত । জিলা উপায়ুক্তৰ দ্বাৰা নিযুক্তিপ্ৰাপ্ত কৰ সংগ্ৰহকাৰীৰ পুনৰীক্ষণ অবিহনেই চলিছে আধাৰ কাৰ্ডৰ কাম। অৱশেষত জিলা উপায়ুক্তৰ হস্তক্ষেপ দাবী কৰিছে সচেতন মহলে ।

বঙাইগাঁও, ২৫ ছেপ্টেম্বৰ: আধাৰ কাৰ্ডক কেন্দ্ৰ কৰি ব্যাপক দুৰ্নীতি সংঘটিত হৈছে বঙাইগাঁও জিলাৰ কাকৈজানা গাঁও পঞ্চায়তৰ কাৰ্যালয়ত । জিলা উপায়ুক্তৰ দ্বাৰা নিযুক্তিপ্ৰাপ্ত কৰ সংগ্ৰহকাৰীৰ পুনৰীক্ষণ অবিহনেই চলিছে আধাৰ কাৰ্ডৰ কাম। এই অভিযোগ কাকৈজানা গাঁও পঞ্চায়তৰ স্বয়ং কৰ সংগ্ৰহকাৰী বকুল বৰ্মনৰ । এতিয়া অভিযোগ প্ৰতি-অভিযোগত উত্তাল কাকৈজানা গাঁও পঞ্চায়তৰ কাৰ্যালয় । কৰ সংগ্ৰহকাৰী বকুল বৰ্মনৰ মতে, তেওঁৰ চহী অবিহনেই চলিছে আধাৰ কাৰ্ডৰ ভেৰিফিকেচনৰ কাম ৷ যিটো সম্পূৰ্ণ ৰূপে অবৈধ বিভাগীয় ভাৱে।

ইফালে একাংশৰ দাবী বকুল বৰ্মনে চহী নকৰে আধাৰ কাৰ্ডৰ প্ৰ-পত্ৰত । আনহাতে আধাৰ কাৰ্ডৰ কাম ঘৰত গৈ একাংশ কম্পিউটাৰ অপাৰেটৰে কৰাৰ গুৰুতৰ অভিযোগ বকুল বৰ্মনৰ। এই ক্ষেত্ৰত জিলা উপায়ুক্তৰ হস্তক্ষেপ দাবী কৰিছে সচেতন মহলে ।

লগতে পঢ়ক: আছুৰ নেতৃত্বত ৰাজ্যজুৰি জ্বলিল কৃষি বিধেয়কৰ প্ৰতিলিপি