বোকাখাত,৫মে' : দেওবাৰে বোকাখাত মহকুমা প্ৰশাসনে মহকুমাটোৰ শিক্ষাৰ্থীসকলক অসামৰিক সেৱাত অৱতীৰ্ণ হ'ব পৰাকৈ সাজু কৰি তুলিবলৈ এক প্ৰশিক্ষণ কাৰ্যসূচীৰ শুভাৰম্ভ কৰে । অফিচাৰচ ক্লাবত এই প্ৰশিক্ষণ কাৰ্যসূচী শুভাৰম্ভণি কৰা হয় ।
ৰাজহ চক্ৰ বিষয়া খনীন্দ্ৰ দাসে আঁত ধৰা অনুষ্ঠানত অসম চৰকাৰৰ পৰিবহণ আয়ুক্ত বীৰেন্দ্ৰ মিট্টাল, বোকাখাতৰ মহকুমাধিপতি বিবেক শ্যাম, মহকুমা আৰক্ষী বিষয়াৰ লগতে শতাধিক প্ৰশিক্ষাৰ্থী উপস্থিত থাকে । প্ৰতি দেওবাৰে প্ৰদান কৰা হ'ব এই প্ৰশিক্ষণ ৷ প্ৰশিক্ষণৰ জৰিয়তে অসামৰিক সেৱাত সাফল্য লাভ কৰিব পৰাকৈ ছাত্ৰ-ছাত্ৰীসকলে নিজকে প্ৰস্তুত কৰি তুলিব পাৰিব বুলি আশা ব্যক্ত কৰিছে অঞ্চলটোৰ শিক্ষাৰ্থীসকলে ৷