বাক্সাত বনৰীয়া হাতীৰ সন্ত্ৰাস

বাক্সা জিলাৰ তামুলপুৰৰ গয়বাৰীত লাডেন নামৰ এটা বনৰীয়া হাতীৰ আক্ৰমণত আহত হয় এজন লোক, অঞ্চলটোত হাতীয়ে ভাঙি পেলায় কেবাটাও ঘৰ

বাক্সা,৩মেঃ বৃহস্পতিবাৰে বাক্সা জিলাৰ তামুলপুৰ মহকুমাৰ গয়বাৰীত লাডেন নামৰ এটা বনৰীয়া হাতীয়ে তাণ্ডৱ চলাই ৷ খাদ্যৰ অভাৱত পাহাৰৰ পৰা নামি অহা হাতীৰ জাকটোৰ পৰা লাডেন নামৰ হাতীটো ফালৰি কাটি আহে আৰু অঞ্চলটোত ত্ৰাসৰ সৃষ্টি কৰে । গয়বাৰীৰ নিৰন কলিতা,হৰ্ষবাহাদুৰ,চেত্ৰী ধাপা হাজং, শ্ৰীকান্ত দাস,চিত্ৰ বাহাদুৰ চেত্ৰীৰ ঘৰ-দুৱাৰ ভাঙি পেলোৱাৰ লগতে ভঁৰালৰ ধান খাই তহিলং কৰে হাতীটোৱে।

আনহাতে,নিশা হাতীটোক জুইৰ মোহলা দি,টিন বজাই,ফটকা ফুটাই খেদিবলৈ যাওতে গয়বাৰীৰ মাধৱ চেত্ৰী নামৰ এজন যুৱক গুৰুতৰ ভাৱে আহত হয় ৷ বাক্সা জিলাৰ গোৰ্খা ছাত্ৰ সন্থাৰ সাধাৰণ সম্পাদক মাধৱ চেত্ৰীক নিশা বনবিভাগৰ বিষয়া কৰ্মচাৰী সকলে আহি তামুলপুৰ প্ৰাথমিক চিকিৎসা কেন্দ্ৰলৈ প্ৰেৰণ কৰে।