গুগুল মেপৰে নগাই নিৰ্ধাৰণ কৰিলে সীমা !

অসম-নগালেণ্ড সীমান্তৰ গোলাঘাট জিলা মেৰাপানীৰ ইন্দ্ৰপুৰৰ ভূৱন শইকীয়া নামৰ লোকজনৰ গৃহত ৩০ জনীয়া নগা দুৰ্বৃত্তৰ দলে প্ৰৱেশ কৰি লোকজনৰ ভূমি দখলৰ চেষ্টা চলায়,ঘটনাক লৈ উত্তেজনাময় পৰিৱেশ মেৰাপানীত ৷

গোলাঘাট,৩০মে' : শুকুৰবাৰে অসম-নগালেণ্ড সীমান্তৰ গোলাঘাট জিলা মেৰাপানীত উত্তেজনাময় পৰিৱেশ। অসমৰ ভূমি দখলৰ চেষ্টা চলায় নগা দুৰ্বৃত্তৰ দলে । গুগুল মেপ উলিয়াই অসম-নগালেণ্ডৰ সীমা নিৰ্ধাৰণ কৰিলে নগায় ।

ঘটনা অনুসৰি, ইন্দ্ৰপুৰৰ ভূৱন শইকীয়া নামৰ লোকজনৰ গৃহত ৩০ জনীয়া এটা নগা দুৰ্বৃত্তৰ দলে প্ৰৱেশ কৰে আৰু লোকজনৰ গৃহত থকা সকলো গছ-বন কাটি তহিলং কৰে । ইয়াৰোপৰি লোৰ ফেন্সিঙেৰে বেৰ দি লোকজনৰ ভূমি দখলৰো চেষ্টা চলায় নগা দুৰ্বৃত্তৰ দলটোৱে । এই ঘটনাৰ পাছতে মেৰাপানীত উত্তেজনাময় পৰিৱেশৰ সৃষ্টি হয় । পৰিস্থিতিৰ বুজ ল'বলৈ ঘটনাস্থলিত উপস্থিত হয় অসম আৰক্ষী আৰু চি.আৰ.পি.এফ বাহিনী ।