সোণাপুৰত জব্দ ম্যানমাৰৰ সামগ্ৰী

2019-03-05 10:13:45

আটক বাছখনৰ চালক আৰু হেণ্ডিমেন

গুৱাহাটী, ৫ মাৰ্চ : সোণাপুৰত মঙলবাৰে নৈশ বাছৰ পৰা আৰক্ষীয়ে জব্দ কৰে ম্যানমাৰৰ পৰা অবৈধভাৱে সৰবৰাহ কৰা লক্ষাধিক টকা মূল্যৰ সামগ্ৰী । এক গোপন সূত্ৰৰ ভিত্তিত সোণাপুৰৰ নাজিৰাখাটোৰ পৰা আৰক্ষীয়ে জব্দ কৰে সামগ্ৰীখিনি । 

পুৱতি নিশা মণিপুৰৰ পৰা গুৱাহাটী অভিমুখে গৈ থকা MN 01 BA 0011 নম্বৰৰ এখন নৈশ বাছখনৰ পৰা আৰক্ষীয়ে ম্যানমাৰৰ সামগ্ৰীখিনি জব্দ কৰে । এই সন্দৰ্ভত আৰক্ষীয়ে বাছখনৰ চালক আৰু হেণ্ডিমেনক আটক কৰে ।