ক'ভিড প্ৰতিষেধকৰ তৃতীয় ক্লিনিকেল ট্ৰায়েলৰ বাবে ডিছিজিআইৰ সন্মতি লাভ জাইদাছ কেছিলাৰ

ভাৰতীয় বিজ্ঞান আৰু প্ৰযুক্তিবিদ্যা মন্ত্ৰণালয়ে দেওবাৰে এক বিবৃতিত কয়, "ক’ভিড 19ৰ বাবে দেশৰ প্ৰথমটো দেশীয়ভাৱে প্ৰস্তুত কৰি উলিওৱা ডিএনএ ভেকচিন জাইকোভ-ডিৰ তৃতীয় পৰ্যায়ৰ পৰীক্ষণৰ বাবে সন্মতি প্ৰদান কৰিছে ড্ৰাগছ কন্ট্ৰ’লাৰ জেনেৰেল অব ইণ্ডিয়াই ৷"

নেশ্যনেল ডেস্ক,4 জানুৱাৰী: ক’ভিড 19ৰ ভেকচিন জাইকোভ-ডিৰ তৃতীয় পৰ্যায়ৰ পৰীক্ষণৰ সন্মতি প্ৰদান কৰিছে ড্ৰাগছ কন্ট্ৰ’লাৰ জেনেৰেল অব ইণ্ডিয়াই ৷ এই ঔষধটো প্ৰস্তুত কৰি উলিয়াইছে আহমেদাবাদৰ ঔষধ নিৰ্মানকাৰী প্ৰতিষ্ঠান জাইদাছ কেছিলাই ৷

ভাৰতীয় বিজ্ঞান আৰু প্ৰযুক্তিবিদ্যা মন্ত্ৰণালয়ে দেওবাৰে এক বিবৃতিত কয়, "ক’ভিড 19ৰ বাবে দেশৰ প্ৰথমটো দেশীয়ভাৱে প্ৰস্তুত কৰি উলিওৱা ডিএনএ ভেকচিন জাইকোভ-ডিৰ তৃতীয় পৰ্যায়ৰ পৰীক্ষণৰ বাবে সন্মতি প্ৰদান কৰিছে ড্ৰাগছ কন্ট্ৰ’লাৰ জেনেৰেল অব ইণ্ডিয়াই ৷" মন্ত্ৰণালয়ে প্ৰকাশ কৰা অনুসৰি, ইতিমধ্যে দেশত প্ৰায় 1000 গৰাকী স্বেচ্ছাসেৱীৰ দেহত জাইকোভ-ডিৰ প্ৰথম আৰু দ্বিতীয় পৰ্যায়ৰ পৰীক্ষণ সম্পূৰ্ণ কৰা হৈছে আৰু ইয়াৰ অন্তৰ্ৱৰ্তী তথ্যই এই ভেকচিন সম্পূৰ্ণ সুৰক্ষিত বুলি প্ৰমাণ কৰিছে ৷

এই তথ্যসমূহ পৰ্যবেক্ষণ কৰি ইয়াৰ ভিত্তিতে ড্ৰাগছ কন্ট্ৰ’লাৰ জেনেৰেল অব ইণ্ডিয়াই ভেকচিনটোৰ তৃতীয় পৰ্যায়ৰ পৰীক্ষণৰ বাবে সন্মতি প্ৰদান কৰিছে ৷ এই পৰীক্ষণৰ বাবে প্ৰায় 26,000 ভাৰতীয় স্বেচ্ছাসেৱীৰ অনুমতি প্ৰদান কৰিছে ঔষধ নিয়ন্ত্ৰণকাৰী সংস্থাই ৷ ৰাষ্ট্ৰীয় বায়’ফৰ্ম অভিযানৰ অধীনত ৰাষ্ট্ৰীয় বায়’ টেকনল’জি ঔদ্যোগিক গৱেষণা সহায়তা কাউঞ্চিল আৰু ভাৰতীয় বিজ্ঞান আৰু প্ৰযুক্তিবিদ্যা মন্ত্ৰণালয়ৰৰ দ্বাৰা এই ভেকচিনক সন্মতি প্ৰদান কৰা হৈছে ৷

দেওবাৰে চেৰাম ইনষ্টিটিউট অব ইণ্ডিয়াৰ ‘কোভিশ্বিল্ড’ আৰু ভাৰত বায়’টেকৰ ‘কোভেক্সিন’ৰ জৰুৰীকালীন পৰিস্থিতিত সীমাৱদ্ধ ব্যৱহাৰৰ বাবে অনুমতি প্ৰদান কৰে ড্ৰাগছ কন্ট্ৰ’লাৰ জেনেৰেল অব ইণ্ডিয়াই ৷

লগতে পঢ়ক-ৰাষ্ট্ৰসংঘৰ সুৰক্ষা পৰিষদত উৰিল ভাৰতৰ ৰাষ্ট্ৰীয় পতাকা