নিউজ ডেস্ক, 17 নৱেম্বৰ : বল্লাৰীৰ বিজেপি সাংসদ ৱাই দেৱেন্দ্ৰপ্পাৰ পুত্ৰ ৰংগনাথৰ বিৰুদ্ধে বেংগালুৰুৰ বাসৱনগুড়ী মহিলা থানাত এজাহাৰ দাখিল কৰিছে এগৰাকী যুৱতীয়ে ৷
যুৱতীগৰাকীৰ অভিযোগত কি আছে ? :
''ডেৰ বছৰ আগতে বন্ধুৰ জৰিয়তে মহীশূৰৰ এখন কলেজত প্ৰবক্তা হিচাপে কাম কৰা ৰংগনাথৰ সৈতে মোৰ চিনাকি হৈছিল ৷ পিছলৈ চিনাকি প্ৰেমলৈ পৰিণত হ’ল ৷ যোৱা জানুৱাৰী মাহত তেওঁ মহীশূৰৰ এখন হোটেলত মদ খাই, বিয়া কৰোৱাৰ প্ৰতিশ্ৰুতিৰে মোৰ লগত শাৰীৰিক সংস্পৰ্শলৈ আহিছিল ৷ কিছুদিনৰ পাছত বিয়া পাতিবলৈ ক’লো ৷ কিন্তু তেওঁ নাকচ কৰিলে ৷ তেওঁ ভাবুকি দিছিল যে তেওঁ মোক বিয়া নকৰে, যি কৰে কৰক ৷"- অভিযোগত উল্লেখ কৰে যুৱতীগৰাকীয়ে ৷
এই অভিযোগৰ ভিত্তিত বাসৱনগুড়ী মহিলা থানাত এফআইআৰ ৰুজু কৰা হৈছে ৷ আইপিচিৰ 420, 417 আৰু 506 ধাৰাত এফআইআৰ ৰুজু কৰা হৈছে আৰু আৰক্ষীয়ে তদন্ত অব্যাহত ৰাখিছে ৷
মহীশূৰত কাউণ্টাৰ এজাহাৰ দাখিল সাংসদ পুত্ৰৰ :
মহীশূৰৰ বিজয়নগৰ থানাত যুৱতীগৰাকী আৰু আৰু এজন ব্যক্তিৰ বিৰুদ্ধে এজাহাৰ দাখিল কৰিছে সাংসদগৰাকীৰ পুত্ৰই ৷ অভিযোগৰ ভিত্তিত আৰক্ষীয়ে এফআইআৰ ৰুজু কৰে ৷ অভিযুক্তই কয় "যুৱতীগৰাকীয়ে ব্যক্তিগত ফটো আৰু কথা-বতৰাৰ অডিঅ' নিজৰ লগত ৰাখি ভাবুকি দিছে ৷ যুৱতীগৰাকীয়ে 15 লাখ টকা নিদিলে মোৰ পত্নীক ব্যক্তিগত ফটো আৰু অডিঅ’ পঠিয়াব বুলি ভাবুকি দিছিল ৷ এই ভাবুকিৰ ভয়ত মই প্ৰথমতে প্ৰায় 32,500 টকা তেওঁৰ একাউণ্টত জমা দিলো ৷ কিন্তু তেওঁ বাৰে বাৰে মোক ফোন কৰি টকা দাবী কৰিছিল ৷ মই যেতিয়া ধন দিব নোৱাৰিলোঁ, তেতিয়া তাই মোক হত্যা কৰাৰ ভাবুকি দিলে ৷ তাই ক’লে যে মই তাইক 10 লাখ টকা দিলে তাই মোক আৰু ভাবুকি নিদিয়ে ৷ কিন্তু টকা দিয়াৰ পিছতো হাৰাশাস্তি চলি থাকিল ৷ তাই মোৰ জাতিকো অকথিত শব্দৰে গালি-গালাজ কৰিছিল ৷'' মহিলাগৰাকী আৰু আন এজন ব্যক্তিৰ বিৰুদ্ধে মহীশূৰৰ বিজয়নগৰ আৰক্ষী থানাত এজাহাৰ দাখিল কৰিছে সাংসদজনৰ পুত্ৰই ৷
সাংসদৰ প্ৰতিক্ৰিয়া :
''শেহতীয়াকৈ দিল্লীৰ পৰা বল্লাৰীলৈ যোৱাৰ সময়ত এগৰাকী যুৱতীৰ পৰা ফোন আহিছিল ৷ এই ফোনটো পাই মহিলাগৰাকীয়ে মোক অভিযোগ কৰিলে যে আপোনাৰ ল’ৰাই মোৰ লগত বিয়া হ’ব বুলি প্ৰতিশ্ৰুতি দি মোক প্ৰতাৰণা কৰিছে আৰু ডেৰ বছৰ ধৰি পুত্ৰৰ সৈতে প্ৰেমৰ সম্পৰ্কত আছিল বুলি কয়৷ কিন্তু মই কলো যে এই বিষয়ে মই নাজানো ৷ যদি অন্যায় হৈছে তেন্তে আইন অনুসৰি আদালতলৈ যাওক ৷ পুত্ৰ আৰু মহিলাগৰাকীয়ে কি ভুল কৰিলে মই নাজানো ৷ যদি কোনো মহিলাৰ অন্যায় হয় তেন্তে তেওঁৰ ন্যায় লাভৰ বাবে থানা আৰু আদালতলৈ যোৱাৰ অধিকাৰ আছে ৷" সাংসদগৰাকীয়ে কয় ৷
''এইটোত ষড়যন্ত্ৰৰ সন্দেহ আছে ৷ কোনোবাই ব্লেকমেইল কৰি মোৰ ল’ৰাৰ পৰা সোণৰ চেইন কাঢ়ি লৈ গৈছে ৷ কাৰণ নিৰ্বাচন আছে, এয়া ৰাজনৈতিক ষড়যন্ত্ৰ ৷ বেংগালুৰুত এটা গেং আছে ৷ ছয়-সাত মাহ ধৰি সেই গেংটোক টকা দি আহিছে ৷ মোৰ পুত্ৰই এই সন্দৰ্ভত গোচৰ তৰিছে ৷'' সাংসদ দেৱেন্দ্ৰপ্পাই কয় ৷
লগতে পঢ়ক :হিমাচলত উদ্ধাৰ ৰাছিয়াৰ দুই নাগৰিকৰ মৃতদেহ
