নেশ্যনেল ডেস্ক , 26 আগষ্ট :লক্ষ্ণৌ কৰ্কট প্ৰতিষ্ঠানৰ নাম প্ৰাক্তন মুখ্যমন্ত্ৰী স্বৰ্গীয় কল্যাণ সিঙ(Kalyan Singh)ৰ নামেৰে নামকৰণ কৰাৰ সিদ্ধান্ত লৈছে যোগী আদিত্যনাথ(Yogi Adityanath) নেতৃত্বাধীন উত্তৰ প্ৰদেশ চৰকাৰে( government in Uttar Pradesh) ৷ ইয়াৰ লগতে বুলন্দচহৰ(Bulandshahr)স্থিত চৰকাৰী চিকিৎসা মহাবিদ্যালয়খনৰো নামো প্ৰয়াত নেতাজনৰ নামেৰে নামকৰণ কৰাৰ বাবে উত্তৰ প্ৰদেশ চৰকাৰে সিদ্ধান্ত গ্ৰহণ কৰিছে ৷ প্ৰাপ্ত তথ্য অনুসৰি, মুখ্যমন্ত্ৰী যোগী আদিত্যনাথে এই সিদ্ধান্ত গ্ৰহণ কৰিছে ৷
ইয়াৰ পূৰ্বে PWD দপ্তৰৰ দায়িত্বত থকা উপ মুখ্যমন্ত্ৰী কেশৱ মৌৰ্য(Deputy Chief Minister Keshav Maurya)ই অযোধ্যাৰ ৰাম জন্মভূমি মন্দিৰলৈ(Ram Janmabhoomi temple in Ayodhya) যোৱা পথটো কল্যাণ সিঙৰ নামেৰে নামাকৰণ কৰা হ'ব বুলি ঘোষণা কৰিছিল ৷ ইয়াৰ উপৰিও লক্ষ্ণৌ( Lucknow), আলিগড়(Aligarh), প্ৰয়াগৰাজ(Prayagraj), ইটাহ(Etah) আৰু বুলন্দচহৰ(Bulandshahr)ৰ পথসমূহো প্ৰয়াত নেতাজনৰ নামেৰে নামাকৰণ কৰা হ'ব ৷